Indarkeria matxista

EAJk ekitaldi bat bertan behera utzi du Errenterian, andre batek eraso matxista bat pairatu duela ikusita

Emakume bat atera da atari batetik ihesean, laguntza eske; bozetarako hautagaiak aurkeztera joanda, han ziren hainbat buruzagi jeltzale.

Ertzaintza, erasoa gertatu den tokian.
Ertzaintza, erasoa gertatu den tokian. Oarsoaldeko Hitza

Arantxa Iraola -

2019ko martxoak 11

"Gaur guri tokatu zaigu indarkeria matxista kasu baten lekuko izatea. Gertutasun eta babes osoa biktimari. Biolentzia matxista erabat onartezina da, eta ez dauka lekurik gure gizartean". Gipuzkoako diputatu nagusi Markel Olanok txio baten bidez adierazi du gaur zer gertatu den Errenterian (Gipuzkoa). Indarkeria matxista pairatu du emakume batek, eta jazoeraren lekuko izan dira EAJko hainbat buruzagi, hara joanak baitziren udal hauteskundeetarako zerrenda aurkeztera. Agerraldia zen tokira zihoazela, Gizarte Politiketako diputatu Maite Peñak eta Gipuzkoako Batzar Nagusietako presidente Eider Mendozak ihesi ari zen andre bat ikusi dute, eta babestu egin dute.

“Gertaera horren aurrean aurkezpena etetea erabaki dugu, ez delako unea aurkezpen bat egiteko halako kasu bortitz bat gertatuta", adierazi dute ondoren ordezkari jeltzaleek. Ertzainek andreak atzetik zuen gizona atxiki dute. Emakumea, berriz, salaketa jartzera joan da; Eider Mendozak hari laguntzea erabaki du. "Gure helburu nagusia emakume hori babestea da, eta horregatik joan da Eider Mendoza berarekin komisariara, gertu-gertuan egotera”, nabarmendu du Olanok.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna