Albistea entzun

Komunikazioa

ETBk hiru telesail labur egingo ditu, bi eta lau atal artekoak

Iragarpena Eusko Legebiltzarrean egin du Maite Iturbe EITBko zuzendari nagusiak. 2017-2020ko aldiko ildo estrategikoak eta proiektuak aurkeztu ditu, kontrol batzordean.

Maite Iturbe, legebitzarrean
Maite Iturbe, legebitzarrean Endika Portillo / Foku

Urtzi Urkizu -

2019ko martxoak 25

Programa kontratuaren balorazioa eta 2017-2020ko aldiko ildo estrategikoak aurkeztu ditu gaur Maite Iturbe EITBko zuzendari nagusiak, Eusko Legebiltzarrean. Gogoratu du EITBri ezarritako zerbitzu publikoaren eginkizunak honako hamar hauek direla: "Kalitatezko informazioa bermatzea; euskara sustatzea gero eta elebidunagoa den gizarte batean; euskal kultura sustatzea eta zabaltzea, adierazpen artistiko eta kulturalei babesa emanez; euskal kirola sustatzea eta zabaltzea; ikus-entzunezkoen industria sustatzea; gizarte kohesioa sustatzea; informazioaren gizartea herritar guztientzat sustatzea; euskal erakundeek onartutako 2017-2020ko aldirako Bake eta Bizikidetza Plana betez jardutea; aurrerakuntzako eta normalizaziorako plan eta jarduera instituzionalak garatzen laguntzea; eta gobernu arduratsuaren eta enpresa gardentasunaren printzipioak aplikatzea eta gizarte zibilari parte hartzeko esparruak eskaintzea".

Era berean, Iturbek zortzi ildo estrategiko iragarri ditu EITBrentzat: "Zerbitzu publikoaren eredua, audientzia eta gizarte prestigioa bermatuz; liderrak informazioan eta gaurkotasunean, EITB taldeak informazioaren erreferente nagusi izaten jarrai dezan; euskara edukien eskaintza, euskararen erabileraren normalizazioa sustatuz; eraldaketa digitala, konektatutako gizarte zorrotz bati erantzun ahal izateko; pertsona profesionalak, partekatutako proiektuarekin; lankidetza euskal ikus-entzunezko sektorearekin eta erakunde akademikoekin, etengabea den eta handitzen ari den sormenerako; berrartutako inbertsioen politika; eta kudeaketa aurreratua eta jasangarria". Iturbek nabarmendu du funtsezkoa izango dela eraldaketa digitalaren gaia, eta proiektu hori talde transbertsal batek kudeatuko du. Iragarri du, halaber, erabiltzaileen erregistro bat jarriko dutela martxan, "hartzaileekin harreman zuzena izateko eta fidelizazioa sortzeko".

Programa kontratua bete egin dela nabarmendu du Iturbek legebiltzarrean. "Balorazioa ona da", esan du, borobiltzeko. Aldiz, EH Bilduko, Elkarrekin Podemoseko, PSE-EEko eta PPko ordezkariek kritikak egin dituzte. "Kritika eraikitzaileak", gogorarazi du Rafaela Romero PSE-EEko legebiltzarkideak. EAJko Ana Oregi izan da EITB "oso ondo" ari dela esan duen bakarra.

EH Bilduko Unai Urruzunok eta Elkarrekin Podemoseko Iñigo Martinezek gogor kritikatu dute EITBren ildo editoriala eta informazio edukien aniztasun falta. Urruzunok fikzioaz galdetu dio Iturberi, eta hari erantzunez, zera iragarri du EITBko zuzendari nagusiak: "Urte bat egon gara proiektu baten bila. Baina, azkenean, hiru telesail labur egingo ditugu, bakoitza bi eta lau atal artekoa. Gure historia jasoko duten telesailak izango dira. Laster hasiko gara proiektuak jasotzen. Irailerako baten bat martxan egotea espero dugu".

Legebiltzarrak, bestalde, erdibideko zuzenketa bat onartu du aho batez, EITBko berdintasun unitateari dagokiona. Honela dio onartutak testuak: "Legebiltzarrak Jaurlaritzari eskatzen dio jarraitzeko EITBn emakumeen eta gizonen aukera berdintasunerako bigarren plana eta EITBko kontratu programak garatzen. Halaber, EITBri eskatzen dio berdintasunerako administrazio unitatea indartzeko eta publizitate eta komunikazio ez-sexistarako kode deontologikoa betetzeko beharrezkoak diren ekintzak egiteko, horretarako beharrezkoak diren baliabide pertsonalak eta materialak bideratuz".

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Martxelo Otamendi (Berria), Jose Miguel Santamaria (El Correo), Iñaki Soto (Gara) eta David Taberna (El Diario Vasco) ©Kazetarien Euskal Ekargoa

‘El Correo’, ‘El Diario Vasco’, ‘Gara’ eta BERRIAko zuzendariek kazetaritza goratu dute

Urtzi Urkizu

Lau egunkari horietako zuzendariak Guardian (Araba) elkartu dira, Kazetarien Euskal Elkargoak gonbidatuta.

 ©MAIALEN ANDRES / FOKU

«Uliak aukerak ditu jende guztiarentzat»

Jakes Goikoetxea

Donostiako Ulia mendiko interpretazio zentroak hamar urte beteko ditu uztailean. Ezezaguna da oraindik ere donostiar askorentzat, baina jendea gero eta gehiago joaten dela uste du Orkolagak.
Anubis zaldi arabiarra, aurtengo edertasun lehiaketa batean. Lau aldiz gailendu da azken hiru hilabeteotan Galizian jokatutako txapelketetan. ©BERRIA

Abarizketako zaldi arabiarra

Enekoitz Telleria Sarriegi

Aritz Aranburu beasaindarraren Anubis zaldiak hainbat edertasun sari irabazi ditu. Abarizketa baserrian zaindu eta aterpetzen dute. Arraza bereko beste lau zaldi ere badituzte han.

Jarana

Enrique Maia Iruñeko peñen pankarten erdigunean

Iker Tubia

Karrika «berreskuratzeko» eta eraso sexistarik ez onartzeko dei egin du Iruñeko Peñen Federazioak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.