Noiz sortua: 2019-03-26 10:46:55

Espainiako armada

Getariara eta Getxora itzuliko da Espainiako armada, uztailean

Juan Sebastian Elcano ontzia ekarri asmo du Getariara, Elkanoren espedizioaren bosgarren mendeurrena baliatuta. Ate irekien jardunaldiak ere egin nahi dituzte.

'Juan Sebastian Elcano' ontzia, joan den astean, Mexikon.
'Juan Sebastian Elcano' ontzia, joan den astean, Mexikon. Víctor Hugo Yáñez Ramos/EFE.

Berria -

2019ko martxoak 26

"Arrakastatsua" izan da Espainiako itsas armadak Getxora (Bizkaia) egindako bisita, Espainiako armadak berak hainbat hedabideri esan dionez. Eta berriz egin nahi dute bisita Euskal Herrira. Informazio horren arabera, uztailaren 6an eta 7an Getarian (Gipuzkoa) izango da Juan Sebastian Elcano ontzia. Aurten bete dira bost mende munduari bira eman zioten espedizioa hasi zela, eta mendeurren hori baliatuko du Espainiako armadak Getariara etortzeko.

Espainiako armadako iturriek zabaldu dutenez, "sinbolikoa" izango da Getariako bisita; ate irekien jardunaldiak egingo dituzte. Geldialdi "teknikoa" Getxon egingo dute, uztailaren 8an eta 10ean. Gainera, "agintarientzako ekitaldi" bat ere ari dira antolatzen. Elkanoren ohiko lehorreratze ekitaldia abuztuaren 7an izango da, iaz Getariako Udalak jakinarazi zuenez.

Juan Sebastian Elcano eskola ontzi bat da, eta Espainiako itsas armadako ofizialen formakuntzarako erabiltzen dute. Helburu horrekin egingo dute udako bidaia ere. Gaur egun, Mexiko eta AEB artean dago ontzia; asteburuan irten zen Veracruzeko portutik, eta igandean da iristekoa AEBetara.

Egunotan, Espainiako armada ariketak egiten ari da Nafarroako Bardean ere —atzo hasi ziren, eta ostirala bitartean jarraituko dute—. Nafarroako Parlamentua ariketa horien aurka agertu zen atzo, eta Bardeako eremu militarra ixteko eskatu zuen.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 25ean eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, zortzi positibo atzeman dituzte PCR probekin, eta hiru gaixo ospitaleratu dituzte. Euskal Herrian 28.496 gaixok eman dute positibo guztira, koronabirusa atzemateko probaren bat eginda. Horietatik 2.020 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehengo fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Nafarroan egoera epidemiologiko «ona» zela zehaztu du Espainiako Osasun Ministerioak; Araba, Bizkai eta Gipuzkoaren kasuan, aldiz, Osakidetzak pazienteak artatzeko duen «gaitasun handia». Maiatzaren 11n igaro zen lehen fasera Hegoaldea.

Astelehen honetan pentsiodunen mugimenduak Bilbon eginiko elkarretaratzea ©Luis Jauregialtzo

Pentsioen kopuruak behera egin du: 2.329 gutxiago

Jokin Sagarzazu

COVID-19agatik hildakoek eta sisteman erregistratzeko zailtasunak eragin dute jaitsiera.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna