Albistea entzun

Komunikazioa

‘Xerezade’, ‘27 zapata’, ‘Laborategia’ eta ‘Kontra-kantxa’ garaile Blogetan! lehiaketan

Azkue Fundazioak Bilboko Euskararen Etxean egin du sariak banatzeko ekitaldia. Jardunaldi bat ere egin dute Interneteko edukiak zabaltzeko modu desberdinei buruz hausnartzeko.

Blogetan! lehiaketako irabazleak
Blogetan! lehiaketako irabazleak Azkue fundazioa Tamaina handiagoan ikusi

Urtzi Urkizu -

2019ko apirilak 4

Euskarazko blog onenak saritzeko ahaleginari ekin zion duela bost urte Azkue Fundazioak. Blogetan! lehiaketa antolatu dute hirugarren aldiz, eta sariak gaur banatu dituzte Bilbon, Euskararen Etxean. Kultura kategorian, Xerezade blogak eman du saria; Gizarte eta Politikan, 27 zapata-k; Aisian, Kontra-kantxa-k; eta Zientzia eta Teknologian, Laborategia-k.

Epaimahaia Azkue fundazioak, Argia aldizkariak, Zuzeu orainkari digitaleko Urko Urangak, Tokikomeko Joxe Rojasek eta Pikara Magazine-ko June Fernandezek osatu dute. Epaimahaiak honakoa adierazi du Jasone Larrinagaren eta Ana Moralesen Xerezade blogaren inguruan: «Blogetik kanpo oso aktiboak dira: sare sozialak, festa fisikoak... Eta lan handia egiten dute edukiak aukeratu eta egokitzerakoan. Izan ere, audioak eskaintzen dituzte». 27 zapata-ren harira, epaimahaiak blogaren estilo «bizia» nabarmendu du: «Horrez gain, Imanol Epeldek Youtubeko hizkuntza menderatzen du, eta abilezia horren ondorioz, gai eta gogoeta mamitsuak lantzen ditu formatu arinean». Iruñe Astitz kazetaria da Kontra-kantxa blogaren arduraduna, eta emakumeen kirola sustatzea du helburu. Hala esan du epaimahaiak: «Aldarrikapena tonu umoretsu eta alaian egiteko trebezia erakusten du, hizkuntzaren erabilera egokia egiten du, eta sare sozialetan oso aktiboa da. Erakargarria da blogeko edukia». Dabid Martinezek softwarte askearen kultura zabaltzea du Laborategia-n. «Gai teknikoak era humanoan azaltzen ditu, eta euskarazko komunitatearekiko konpromisoa erakusten du. Diseinua, gainera, oso dotorea du», gaineratu du epaimahaiak.

Sarituek Bernat Vidal artistak diseinatutako garaikurra eta 200 eurotako diru-txekea jaso dute. Bestetik, Argia-k eman ohi duen euskal blogari berrienarentzako saria hutsik geratu da. Hala ere, aldizkariak urtebeteko bi harpidetzarekin saritu ditu ondoko blogak: Kablegintza eta Kablekariak eta Begane.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Bi pertsona, animaliei begira, Zumas behatokitik. ©RAUL BOGAJO / FOKU

Hezeguneko sinergia

Amaia Ramirez de Okariz Kortabarria

Landareek eta hegaztiek bat egiten dute Gasteizko Salburua parkean, eta bizia ematen diote hezeguneari. Ataria interpretazio zentroak natur ibilbideak eskaintzen ditu.
 ©GUILLAUME FAUVEAU

«Galtzagorriak behar ditugu. Indar hori, euskaldunak, galtzagorriak gara»

Ainize Madariaga

Libe Goñi Garatek eta euskarak gorputz bakarra osatzen dute. Seaskako lehen andereñoa izan denak bizia eman du bere artatzen eta transmititzen. Olentzero, taloak, kantua eta dantzak ere zabaltzen aritu zen. Orain, reiki irakaslea da.
Ilaski Serranok eta Saioa Martijak Martxoaren 8ari buruzko <em>Ahoz aho</em> berezia prestatu dute bihar arratsalderako. ©ETB

Martxoaren 8ari lotutako makina bat saio izango da ikusgai egunotan

Urtzi Urkizu

ETB1en 'Ahoz aho' berezia egingo dute bihar. Hamaika telebistan emakume arrazializatuen inguruan arituko dira bihar, 22:00etan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.