Bi euskal ekintzaile atxiki eta kanporatu ditu Marokok. Aaiunen ekintzaile saharar batzuekin bilkura bat egitea leporatuta atxiki zituzten, atzo, eta pasaportea erretiratu ondoren, kanporatu egingo dituzte. Equipe Media hedabideak dakarrenez, bi patruila joan ziren saharar baten etxera, eta euskal herritarrak atxiki eta galdekatzeaz gain, haiekin ziren sahararren aurka indarkeriaz aritu ziren.
Maku Florentino eta Dina Pardo dira euskal ekintzaile horiek. Sahararen aldeko LAJWAD elkarteko kidea da Florentino —Elorriokoa (Bizkaia) da elkarte hori—. Euskadi Irratian hitz egin du Pardok gaur goizean: hotel batean konfinatuta dituztela azaldu du, eta iluntzean espero dutela Loiuko aireportura iristea. "Hotelean gaude, eta ezin dugu atera. Iluntzean etorri ziren etxera, auto batean eraman gaituzten, ari ziren sahararrak jipoitzen. Kezkatuta gaude haiekin".
سÙ„طات اÙ„اØتÙ„اÙ„ اÙ„ÙÂÂÂ…غربÙŠ تبعد Ù†اشطتين باسكيتين ÙÂÂÂ…Ù† اÙ„عيون https://t.co/QUzRW1QctFpic.twitter.com/Wnc95a4ypd
— Equipe Media (@Equipe_Media) 2019(e)ko apirilaren 11(a)
Urtea hasi zenetik, nazioarteko 17 behatzaile, kazetari eta ekintzaile kanporatu ditu Marokok Mendebaldeko Saharatik, Equipe Media-ren arabera.