Iruñeko Hauteskunde Batzordeak ebatzi du aurtengo sanferminetako kartel lehiaketako 8 zenbakidun hautagaiak, Txist-jazz, Yeah! izenarekin aurkeztu dutenak, ez duela urratzen hauteskunde legea. Kartel horretan Iruñeko Erraldoi eta Buruhandien konpartsako txistulari bat agertzen da txistua jotzen, eta kide hori hirugarren zihoaz atzo Espainiako Kongresurako EH Bilduren zerrendan. Kartel lehiaketako epeak aintzat hartuta, egileak ezin zuen jakin marrazkia egin zuenean pertsona hori hautagai izango zenik, baina hauteskunde legea urratzen zuelakoan salaketa aurkeztu zuen UPNk.
Hauteskunde Batzordeak, ordea, ez du salaketa aintzat hartu eta kartel horrek finalistek artean jarraituko du. Iruñeko Udalak jakinarazi duenez, batzorde horrek ontzat jo ditu lana babesteko aurkeztu zituen argudioak. Udalak argudiatu zuen ezinezkoa zela lan horrek botoemaileengan eragitea atzoko hauteskundeetan eta salaketagatik izan ez balitz, inork ez zuela jakingo hor agertzen dena nor den ere.
