Kirola

Erremonte txapelketa


Sagardoaren Txapelketa

Segurola eta Endikak irabazi dute Sagardoaren Txapelketa Petritegirentzat

Finalean 40-31 garaitu dituzte Ezkurra II-Garces eta txapelketa galdu gabe amaitu dute

Segurola eta Endika, Petritegiko Ainara Otañorekin.
Segurola eta Endika, Petritegiko Ainara Otañorekin. Maialen Andres Tamaina handiagoan ikusi

Iñigo Goñi Iradi -

2019ko maiatzak 4

Petritegik, Segurola eta Endikarekin, Sagardoaren Txapelketa irabazi dute finalean Ezkurra II eta Garces, 40-31, garaitu ondoren. Gurutzeta ordezkatzen duen bikoteak ez zuen aukerarik izan eta Segurola eta Endikak txapelketako partidu guztiak, zazpi guztira, irabazi ditu.

Segurola eta Endika jaun eta jabe izan dira otsailean hasi zen txapelketan eta merezimendu osoz lortu dituzte txapelak. Finalean ere nagusi izan ziren hasieratik amaiera arte. Honela, orain hiru urte lortutako txapela errepikatu dute gipuzkoar eta nafarrak. 

Partidua hotz hasi zuen Ezkurrak eta horren ondorioz 15-5ko partzialarekin gorriek hamar tantoko abantaila lortu zuten. Berotu zen Doneztebeko aurrelaria eta horrek desabaintaila murriztea ekarri zuen. Bost tantora, 20-15, hurbildu ziren urdinak. Hala ere, Segurola eta Endikak ez zuten arriskuan ikusi finala eta berriz ere abantaila igotzea lortu zuen. Zortzi tanto inguruko abantailak lortu zituzten berriz eta hamarrera ere iritsi ziren 38-28. Azkenean ez zuten partidua amaitzeko arazorik izan, 40-31.

Partiduaren gakoa Endikaren nagusitasuna izan zen. Saldiasko atzelaria, hasi eta buka, bikain egon zen. Ez zuen ahul gunerik erakutsi eta Garcesen urduritasunaz baliatu zen 20 tantorekin amaitzeko, lau sakez. Zenbaki izugarri onak atzelari izateko. Aurrean sendo lagundu zion Segurolak hamar tanto eta soilik bi hutsekin. Urdinetan Ezkurrak eutsi zion finalari 21 tantorekin eta Garcesek berriz, asko sufritu zuen eta ez zen inoiz gustora egon kantxan. 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©LUKAS COCH / EFE

COVID-19aren kutsatzeak arakatzeko aplikazioen eraginkortasuna, kolokan

Munia El Marhoum Iruretagoiena

«Normaltasun berrira» heldu bidean, koronabirusaren zabaltzea geldiarazteko tresna gisa aurkeztu dituzte zenbait 'app'. Herrialde askotan ez dira lortu hasiera batean aurreikusitako emaitzak

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna