Noiz sortua: 2019-05-08 17:26:39

Athletic

Susaeta: "Athleticentzat eta biontzat onena da nik taldea uztea"

Erdilariak baieztatu egin du ez zuela Athleticen azken eskaintza ezagutu nahi izan, eta "minduta" doala kontratu luzapenaren inguruan sorturiko eztabaidarengatik.

Markel Susaeta, Lezamako prentsa aretoan.
Markel Susaeta, Lezamako prentsa aretoan. Luis Jauregialtzo / Foku

Imanol Magro Eizmendi -

2019ko maiatzak 8

Markel Susaetak (Eibar, 1987) ezetz esan dio Athleticen jarraitzeko eskaintzari, eta berak erabaki du Bilboko taldea uztea. Athleticek astearte gauean jakinarazi zuen erdilariak ez zuela taldean jarraituko, eta Susaetak bere bertsioa eman nahi izan du. Agerraldi motza egin du gaur Lezaman, taldekideen aurrean eta galderarik onartu gabe: "Hurrengo asteetan izango dugu denbora hitz egiteko, taldea oraindik gauza garrantzitsuak lortzeko lehian dago, eta hori da lehentasuna orain". Era berean, futbolean jokatzeko asmoa duela nabarmendu du.

Susaeta "minduta" agertu da bere kontratu luzapenaren aferak sortu zuen "eztabaidarengatik". Errua "agian" berea dela esan du, inoiz ahotsa altxatu ez duelako. Bere asmoa Athleticen erretiroa hartzea zela nabarmendu du, baina "egoerak ez duela ahalbidetu".

Erdilaria ez da xehetasunetan sartu, baina ñabardura batzuk gehitu ditu azken egunetan Bilboko hedabideetan irtendako albiste batzuen inguruan. Hasteko, ukatu egin du Josu Urrutiaren zuzendaritzak kontratu luzapen eskaintza egin ziola, eta iragan astean berak esan ziola ezetz egungo zuzendaritzak eginiko eskaintzari.  Ostegunean bildu zen, eta azken eskaintza jaso aurretik jakinarazi zuen ez zuela jarraituko. Era berean, zehaztu duenez, egungo zuzendaritzak eskatu zion berriz ere pentsatzeko hartutako jarrera, baina "egungo egoerak" ez du ahalbidetu berak jarraitzea.

Ez du xehetasunik eman taldearengandik jasotako eskaintzaren inguruan, ez ekonomikoak ezta iraupenaren inguruan. Susaetak behin baino gehiagotan esan du berari diskretua izatea gustatzen zaiola, eta tonu horretan eraman dituela negoziazioak.

"Egoera honetan, taldea eta biontzat onena da nik Athleticen ez jarraitzea", gehitu du. Athletic utziko du ekainaren 30ean, baina ez futbola, ez baitu erretiroa hartzeko asmorik. 31 urte dauzka, eta gehien maite duen hori egiten jarraitzeko moduan ikusten du bere burua. Sasoi honetan, esaterako, gehien jokatu duten Athleticeko jokalarietan 13.a da —ligako 21 partidatan hartu du parte, eta Espainiako Kopako hirutan—. Erdilariak 22 urte egin ditu Athleticen maila ezberdinetan, eta 506 partida jokatu ditu lehen taldearekin. Bosgarrena da partida gehien jokatu dituzten jokalarien zerrendan, Iribar, Rojo, Etxeberria eta Iraolaren atzetik.

Bere agurrean Susaetak esker ona adierazi die "emazteari, etxeko txikiei eta familiakoei", baita taldeko langileei eta taldean izandako entrenatzaile guztiei ere. Taldekideak ere aipatu ditu: "Athleticekin eramango dudan gauza garrantzitsuena dira, lagunak. Haiekin gerlara joateko moduko lagunak". Lehen taldeko kideek txalo artean agurtu dute erdilaria.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

COVID-19aren proba egiteko ilarak, New Yorken. ©JUSTIN LANE / EFE

5,4 milioi kasu baino gehiago atzeman dituzte munduan

Berria

COVID-19ak 345.000 lagun baino gehiago hil ditu, Johns Hopkins Unibertsitatearen arabera. Egoera larriena AEBetan dute. 1,6 milioi positibo baieztatu dituzte han, eta 100.000 heriotza baino gehiago izan dira; New Yorken bakarrik, 29.021.

Gaur ireki dituzte hondartzak Donostian. ©Juan Carlos Ruiz, Foku

Bigarren faserako jakin beharrekoak

Jon Ordoñez Garmendia

Gaurtik aurrera, araudi berri bat dago indarrean Hego Euskal Herrian, eta ordutegiei, saltokiei, taberna eta jatetxeei, hezkuntza zentroei, kirola jarduerei, eta igerileku eta hondartzei eragingo die.

Mikel Sanchez. ©/ Irekia

Bigarren fasean ere «zuhur» jokatzeko eskatu die Jaurlaritzak herritarrei

Jon O. Urain

Mikel Sanchezek jakinarazi du azken egunetako kutsatzeak familia barruan gertatzen ari direla, eta udazken-neguetarako indartu egingo dutela ohiko gripearen aurka txertatzeko kanpaina.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna