Espainiako Kopako finala

Milaka zale batu dira Donostian txuri-urdinei harrera egiteko

Eguerdian hartu zituzten atzo Realeko jokalariak Diputazioan eta Donostiako Udalean. Arratsaldean, berriz, Reala eta Real Madrilen arteko partidaren ondoren omenaldia jaso dute.

Berria Tamaina handiagoan ikusi

Arantxa Elizegi Egilegor -

2019ko maiatzak 13

Lehen aldia Espainiako Kopa irabazi zuten larunbatean Realeko emakumezko jokalariek. Finalekoa emozioz eta presioz betetako partida izan bazen ere, ez ziren gutxiago izan garaiena lortu osteko minutu eta orduak. Pozez gainezka jokalariak berdegunean, eta zoramena harmailetan. Hori da atzoko Los Carmenes futbol zelaiko argazkia.

Atzo goizean goiz hartu zituzten jokalariek hegazkina Granadan eta dagoeneko etxean da kopa. Harrera beroa egin zieten zaleek Loiuko aireportuan eta handik Donostiara abiatu dira.

Aireportua bertan ugari izan ziren txuri-urdinei harrera egitera joan diren zale eta kazetariak. Pozik jaitsi dira jokalariak hegazkinetik, kopa eskuetan. Haiekin batera heldu da Jokin Aperribai klubeko presidentea ere.

Jarraian autobusera igo eta Donostia aldera abiatu ziren, agintariak eta zaleak zituzten han zain. Foru Aldundian zuten hurrengo hitzordua. Baina horren aurretik Zubietan ezusteko omenalditxoa egin zieten bertan bildutako zaleek. Pozik hartu zuten bertasuna jokalariek. "Txapeldunak" oihukatuz hartu dituzte jokalariak eta ez zen emoziorik falta izan.

Eguerdiko 13:30ak inguruan hartu zituen Markel Olano ahaldun nagusiak Foru Aldundiaren egoitzan. "Kristalezko sabaia" izan zuen hizpide Denis Itxaso Kultura diputatuak eta nabarmendu zuen garaipenak "emakumezkoei jartzen zaizkien oztopoak" desagerrarazteko balio beharko lukeela. Aldundiko balkoira irten ziren ondoren jokalariak, kalean zain zituzten zaleak agurtzera. Haiei eskaini zien kopa Ramajo kapitainak. "Ikaragarriak zarete" oihukatzearekin batera txalo zaparradarekin erantzun diote. 

Antzerako giroa udaletxearen aurrealdean ere. Jendetza batu zen han ere txuri-urdinak agurtu asmoz, eta jokalariek banan bana igaro behar izan zuten balkoitik bildutakoak agurtzera. Donostiako Udaleko ekitaldian, berriz, Eneko Goia alkatearekin ez ezik, alderdie guztietako ordezkariekin ere bildu ziren jokalariak. Han izan zen Bakartxo Tejeria Legebiltzarreko presidentea ere. 

Arratsaldean, berriz, Anoetan hartu zituzten zale eta taldeko arduradunek. Realaren eta Real Madrilen arteko partida hasi aurretik emakumezkoak berdegunera irten ziren zaleen txalo artean, baina neurketa amaitu ostean egin zuten omenaldia. Nahikari Garcia irten denean, Realean geratzeko eskatzen zutenen ahotsa nagusitu zen. 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna