Noiz sortua: 2019-05-12 20:12:44

Herri kirolak

Emarri emakume taldeak marka ezarri du 3.800 kiloko harriarekin

Hiru plaza pasa egin ditu ordu erdian 22 emakumeko taldeak. Lehen aldia da emakumez soilik osatutako talde batek Usurbilgo Harri Handia mugitzen duela.

Usurbilgo plazan egin dute giza proba. /
Usurbilgo plazan egin dute giza proba. / Naiara Retegi Tamaina handiagoan ikusi

Arantxa Elizegi Egilegor -

2019ko maiatzak 12

Denbora darama Emarri taldeak harriak mugitzen. Zortzi emakumek osatzen dute taldea, eta 550 kiloko harriarekin aritzen dira normalean. Usurbilerako, ordea, marka jartzea zuten helburu eta horretarako 22 emakumezko behar zituzten. "Ez da erraza izan 3.800 kiloko harria mugitzeko prest eta ilusioz zeuden emakume kirolariak biltzea. Baina lortu dugu eta pozik gaude", dio Olatz Mitxelena Emarriko kideak.

Aurrez beste behin elkartuak ziren harria mugitzeko gai ote ziren probatzeko. "Baina aldi hartan plaza bakarra egin genuen. Gaurkoan hiru izan dira. Ez genuen horrenbesterik espero".  Izan ere, lehen aldia da soilik emakumez osatutako talde batek harri hori mugitzen duela. Aurrez gizonezko talde batek 11 plaza egin zituen. Duela 32 urte izan zen hori. "Gure asmoa ez zen inolaz ere hori gainditzea, emakumezkoen lehen marka jartzea baizik", azaldu du Mitxelenak. 

Ez dira izan ahalegina egiten bakarrak. Bizkaiko beste bi taldek ere hartu dute parte apustuan. Biak ere lau gizon eta bi emakumezkok osatuak. "Ezin dira hiru taldeak alderatu. Tira egiteko modua bera ere desberdina da". Plazan bildutako jendeak ere lagundu die tiratzaileei: "Tiraka hasi garenean eta ikusi dutenean azkar gindoazela jendea harrituta hasi da hizketan".

Proba gogorra izan da. Harria bera ere apurtuta geratu da Emarriren saioa amaitu denean. Gustora agertu da Mitxelena lortutakoarekin: hiru plaza pasatxo. Hurrengoan zer izango den galdetuta, hala ere, nahiago du gehiegi ez aurreratu: "Bestela taldekoak haserretuko zaizkit".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Hauteskunde Batzordeak bihar aztertuko du Ordiziako egoera

Hauteskunde Batzordeak bihar aztertuko du Ordiziako egoera

Arantxa Iraola - Jon Ordoñez Garmendia

Ordiziako positiboekin lotutako 48 kasu zenbatu dituzte dagoeneko. Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Beste taberna bat itxi dute, langile batek «positibo ahula» eman duela eta.

PCR probak egiten, aste honetan, Ordizian. ©JON URBE / FOKU

Maiatzaren 20tik ez zen hain datu txarrik positibo berrietan

Mikel P. Ansa

Hego Euskal Herrian azkeneko 24 orduetan 35 kasu positibo berri agertu dira PCR probak eginda. Maiatzaren 20an 31 kasu izan ziren, eta hilabete eta erdian ez da hain emaitza txarrik izan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna