Kirmen Uribe idazleak New Yorkeko munduak izeneko podcast-a hasi du BERRIArentzat. Gaur goizean abiatu du, eta astelehenero entzun ahalko da audio berri bat webguneko atal berezian. Uribe Euskaldunon Egunkaria-ko eta BERRIAko zutabegile izana da, eta harena izango da egunkariaren aurreneko podcast-a. Igerian du izenburu, eta entzuteaz gain, irakurri ere egin ahal izango da.
Uribek honako hitz hauekin egin du podcast-aren aurkezpena: "Eguneroko bizitzatik hartzen nituen gaiak, irudiak, eszenak. Idatzi eta gero, hantxe geratzen ziren gordeta, egunkariko kutxatxoan. Argazkiak ateratzea bezala zen, bizitzako une jakin bat jasotzen zuten. Orain berriz hasiko naiz zeregin berarekin, zuek kutxak zabaldu besterik ez duzue egin behar".
Laster, Ane Irazabalek ere podcast bat egingo du BERRIArentzat.