Noiz sortua: 2019-05-15 19:34:34

Katalunia - Espainia

Iceta ez da Espainiako Senatuko presidente izango

Junts per Catalunyak, ERCk eta CUPek aurkako botoa emango dutela iragarri dute, eta buruzagi sozialistak ezingo du aurrera egin. Ciudadanosek eta PPk abstentziora joko dute.

Miquel Iceta buruzagi sozialista, artxiboko argazki batean. /
Miquel Iceta buruzagi sozialista, artxiboko argazki batean. / Andreu Dalmau/EFE

Berria -

2019ko maiatzak 15

Miquel Iceta alderdikidearen izena proposatua du Pedro Sanchez buruzagi sozialistak Espainiako Senatua zuzentzeko. Horren aurretik, baina, Icetak senatari kargua eskuratu behar du. Haren hautagaitza onartu edo ez Kataluniako Parlamentuak erabakiko du bihar goizean egingo den osoko bilkuran. Gaur gaurkoz, ordea, ezinezkoa du Icetak senatari kargua eskuratzea, ERCk eta JxCk iragarri baitute ez dutela haren hautagaitza babestuko. Ciudadanosek eta PPk abstentziora joko dutela esan dute.

Sergi Sabria Kataluniako Parlamentuko diputatuak azaldu du ez dagoela "gizalegez" jokatzeko tarterik kideak espetxeratzen dituztenean. "Gizalegean pentsatu zuten 155. artikulua ezarri zutenean? Ez zieten presoen familiei begiratu Parlamentu honetara etorri zirenean. Gaur ezezkoa saiestezina da. Inork ezin digu gizalegea eskatu".

Buruzagi sozialistak bere alderdiaren eta Barcelona en Comuren botoak eskuratuko lituzte —25 denera—, baina horrez gain bi alderdi independentista nagusien abstentzioa ere beharrezkoa du aurrera egiteko. Junts per Catalunyak arratsaldean iragarri du ez duela hautagaitza babestuko, eta Pedro Sanchez jarduneko Espainiako presidenteari leporatu dio botere banaketa ez errespetatzea.

Konstituzionalera jotzeko prest

Icetak berak ohartarazi du "aberrazio demokratikoa" litzatekeela bere hautagaitzari "betoa" jartzea, eta eskatu die alderdiei alde bozkatu nahi ez badute abstentziora jotzeko. Gogorarazi du, Kataluniako Alderdi Sozialistaren "eskubidea" dela senatari bat izatea Madrilen, hauteskundeetako emaitzak kontuan hartzen badira eta alderdi independentistei egotzi die "salerosian" aritzea. Biharko bozketa egin arte lanean jarraituko duela iragarri du Icetak, baina "betoa" jartzen badiote Konstituzionalera joko duela ohartarazi du.

Sanchezek, berriz, "elkarbizitzaren eta elkarrizketaren aurka" egitea leporatu die Kataluniako alderdi independentistei. "Irtenbideen eta elkarrizketaren beldur dira, ez dira ausartzen independentzia ez dela posible esatera", esan du Espainiako jarduneko presidenteak Donostian egin duen agerraldian.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

Haur bat, jolas parke baten ondoan, Zarautzen. / ©Gorka Rubio, Foku

Espainiako Gobernuak eguneko udalekuak baimenduko ditu hirugarren fasean

Jon Ordoñez Garmendia

70 urtetik gorakoentzako ordutegiak desagertu egingo dira. Gehienez hogei pertsona elkartu ahal izango dira, baina ezingo da probintziatik atera oraindik.

Donostiako Zurriola hondartza, atzo. ©Gorka Rubio / FOKU.

Murgak dio ezin direla errepikatu hondartzetan ikusi diren irudiak

Maddi Ane Txoperena Iribarren

Jendea ez pilatzeko eta hondartzak modu «dinamikoan» erabiltzeko eskatu du Eusko Jaurlaritzako Osasun sailburuak. Era berean, galdegin du aisialdirako bada ez erabiltzea garraio publikoa «jende asko dagoenean».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna