Noiz sortua: 2019-05-15 07:29:27

Buruz Buruko Txapelketa

Ezkurdia berriaren zain

Ezkurdiak eta Urrutikoetxeak ez dute arazorik izan finalerdietarako pilota aukeraketan. Momentuz ikusmin gutxi sortu du partidak, eta sarrera asko daude salgai oraindik.

Ezkurdia pilota astintzen, Urrutikoetxearen begiradapean.
Ezkurdia pilota astintzen, Urrutikoetxearen begiradapean. Aritz Loiola / Foku

Imanol Magro Eizmendi -

2019ko maiatzak 15

Joseba Ezkurdia eta Mikel Urrutikoetxearen arteko banakako partidak klasiko txikien itxura hartzen ari dira. Azken urteetan hainbatetan neurtu dituzte indarrak buruz buru zein lau eta erdian, eta larunbatean berriz ere neurtuko dituzte indarrak, buruz burukoaren lehen finalerdian. Pilota aukeraketa egin dute, biak gustura gelditu dira, eta biek egin dute pilota astunen alde. Urrutikoetxeak 106,1 eta 106,5 gramokoak aukeratu ditu, eta Ezkurdiak 106,6 eta 106,7 koak —107 gramo da muga—Pisuan antzekoak izan arren, Ezkurdiarenek bote handiagoa dute. . Partida Bilboko pilotalekuan jokatuko da eta betetzetik urrun geldituko dela dirudi.

Aukeraketan, aurretik jokaturiko bi partidak hartu dituzte hizpide, bian txapelketakoak, eta bietan Urrutikoetxeak irabazi zuen. Azkenekoa 2017an izan zen, eta 22-13 irabazi zuen; 2016an, aldiz, 22-19 irabazi zuen. Partida hartan, baina, Ezkurdia 17-11 irabazten joan zen. Urrutik, baina, ordukoan baino sendoago ikusten du: “Ezkurdia orduko maila berean dago, aldatu direna garaipenak dira. Txapelak irabaztea eta finaletara iristeak konfiantza ematen dizu”.

Ezkurdiak ere ez ditu ahaztu orduan galduriko partidak. Badaki Urrutikoetxeari irabaztea zaila izango dela, eta txapelketako lehen partidan Jakaren aurka bere maila eman ez zuen arren, azken bi asteetako entrenamenduek asko lagundu diotela uste du. “Urrutiren aurka galdu nuenean baino konfiantza gehiago dut orain nire buruan. Hori alndu egin dugu. Hori bai, badakit horrekin aski ez dudala izango, konfiantza baino gehiago behar da”.

Elkarren aurka jokatu zuten azken aldia lau eta erdiko txapelketako finalerdietan izan zen, eta egun hartan Ezkurdiak irabazi zuen (17-22).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan bi lagun hil dira COVID-19 gaitzaren eraginez. Bost positibo atzeman dituzte PCR probekin, eta lau gaixo ospitaleratu dituzte. Euskal Herrian 29.406 gaixok eman dute positibo guztira, koronabirusa atzemateko probaren bat eginda. Horietatik 2.068 hil dira. Grafikoak, albiste barruan.

Bidaiariei tenperatura kontrolatzen, izurriak gogor kolpaturiko Italiako iparraldean, Milango geltoki nagusian. ©MOURAD BALTI TOUATI / EFE

Astelehenetik aitzinera Hego Euskal Herrian libre mugitzeko aukera izango dela espero du Urkulluk

Berria

Euskadi Irratian egindako elkarrizketa batean adierazi duenez, Pedro Sanchezi hala ulertu zion atzo Urkulluk. Salvador Illa Espainiako Osasun ministroak, ordea, atzo erran zuen hirugarren fasea bukatu arte ezingo dela autonomia erkidego batetik bertzera bidaiatu. 

Heriotza kopurua asteka, Araban, Bizkaian eta Gipuzkoan. ©INE

Izurriak eragindako heriotzen kurba ikusgai

Edu Lartzanguren

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Iñigo Urkullu Jaurlaritzako lehendakaria, apirilean. ©/ Irekia

Urkulluk «elkartasuna» eskatu die langile publikoei, soldata «bermatua» dutelako

Jon O. Urain

Jaurlaritzako lehendakariak oharra egin dio Pedro Sanchezi: «Konpromiso bat du inbestidura bideratu zioten alderdiekin, eta horri muzin egiten badio berak jakingo du zer arrisku hartzen duen».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna