Futbola

Lyon, nagusitasunez

Frantziako taldeak 4-1 irabazi dio Bartzelonari Txapeldunen Ligako finalean. Lehen ordu erdian sartu ditu lau golak, horietatik hiru Ada Hegerbergek. Lyonen seigarren titulua da. Azken lauak erreskadan lortu ditu.

Lyon, nagusitasunez
Lyon, nagusitasunez

Ainara Arratibel Gascon -

2019ko maiatzak 18

Golak: 1-0. Marozsanek (5. min.). 2-0. Hegerbergek (14. min.). 3-0. Hegerbergek (19. min).. 4-0. Herbergek (30. min.). 4-1. Oshoalak (89. min.).

Europako talderik onena dela berretsi du beste sasoi batez Olympique Lyonek; eta Ada Hegerbergek munduko jokalari onena dela. Frantziako taldeak laugarrenez erreskadan irabazi du Txapeldunen liga, seigarrenez bere historian. Hala, bere nagusitasuna areagotu du,  Bartzelonari 4-1 irabazi eta gero.

Partidako izarra Hegerberg izan da, hiru gol sartu baititu hamabost minututan, arean parekorik ez duela erakutsiz. Norvegiako aurrelariak uko egin dio hemendik hiru astera Frantziako jokatuko den Munduko Kopan parte hartzeari, gizonezkoen soladatak askoz handiagoak direla salatzeko. Baina Txapeldunen Ligako finalaren agertokian urrezko baloiak ez du aukera galdu nahi izan duen maila erakusteko.

Historia gutxi izan du norgehiagokak. Lehia hasi eta berehala, laugarren minutuan, aurretik jartzear egon da Bartzelona. Baina Dugganek gurutzatuegi errematatu du Caldenteyk bidalitako pase sakona. Lyon bezalako talde baten aurrean barkatzen duenak ordaindu egiten du, eta Bartzelonak ederki frogatu du, hurrengo jokaldian kolpea jaso baitu. Van de Sanden ondo sartu da eskuinetik, eta Marozsanek ederki aprobetxatu zuen haren erdiraketa gola egiteko (5. min).

Hortik aurrera Lyonek azeleragailua zapaldu, eta arrabola jarri du martxan. Aukera bat bestearen antzetik sortzen hasi da, bere abiadura eta nagusitasun fisikoa baliatuz. Bartzelona erabat gaindituta egon da minutu horietan. Marozsan eta Van de Sanden behin eta berriz sartu dira hegaletatik, eta haiek egindako erdiraketak ederki baliatu ditu Hegerbergek. 15. eta 30. minutuen artean sartu du hat trick-a.

Bigarren zatian Bartzelona ahalegindu da gutxienez gol bat sartzen. Baina atzean ere talde ahaltsua dela erakutsi du Lyonek. Renard eta M’Bock erdiko bi atzelariak gaindiezinak izan dira Martens eta Dugganentzat. Gainera, lortu dutenean ez dira fin aritu Bouhhadi atezainaren aurrean. Hala gertatu zaio Martensi. 68. minutuan aukerako baloia izan du arean, baina errematea kanpora bidali du.

Oshoala zelairatu du orduan Lluis Cortesek, eta hark lortu du kataluniarren ohorezko gola, partidaren ondarrean: 89. minutuan. Martensen pase on baten ostean lortu du. Merezita, gainera, bigarren zati horretan, titulua eskura zuela jakinda, Lyonek intentsitatea jaitsi baitu, eta apenas sortu baitu aukerarik, Le Sommerren eta Cascarinoren pare bat ahalegin izan ezik.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©BERRIA

Zaharretik eta berritik

Aitor Manterola

Aste eta erdian, Marcelinok ez du astirik izan nahi duen jokatzeko era guztiz ezartzeko, baina zantzu batzuk erakutsi ditu Athleticek. Beste batzuk lehengoak dira: Gaizka Garitanoren ereduko hainbat ezaugarri.
Abelardo Fernandez, Alavesek eta Leganesek 2019ko apirilean Mendizorrotzan jokatutako partidan. ©JAIZKI FONTANEDA / FOKU

Aurrez egindakoaren uberan

Eñaut Agirrebengoa

Aurreneko aroan lortu zuena eredu izanda, Abelardok bigarren aldia hasiko du gaur Alavesekin, Almerian, Kopan. Abiapuntua ezberdina den arren, formula berbera ezartzen ahaleginduko da.
IDK-ko eta Araskiko jokalariak lehen itzuliko norgehiagokan, Gaska kiroldegian. ©IDK

Irabazi behar diren horietakoa

Ainara Arratibel Gascon

Araskik eta IDK-k derbia jokatuko dute bihar. Arabarrak eta gipuzkoarrak aurkari zuzenak dira Ligako kanporaketetarako borrokan. Lehen itzulian IDK nagusitu zen, Gaskan
K2 mendia, beheko kanpalekutik. ©Iñaxio Lopez de Arana Arrieta

K2an neguan inoiz iritsitako lekurik garaienera heldu dira lau xerpa

Berria

Pakistango iluntzean saiatuko dira hamar mendizale K2ko tontorrera igotzen. Gora iritsiko balira, mugarri bat ezarriko dute himalaismoan: neguan oraindik gizakirik iritsi ez den K2 mendira igotzea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna