Eusko Jaurlaritzako Segurtasun Sailak eman du ezbeharraren berri. Haren arabera, zera jakinarazi diote 09:50ean: Zestoan arbolak mozten ari zen langile bati zuhaitz bat erori zaiola gainera. Hainbat komunikabidek zabaldu dutenez, 50 urte inguruko gizonezkoa da hildakoa. Gertatutakoari buruzko ikerketa zabaldu du Osalanek.
Ordu batzuk geroago, 14:00ak aldera, 30 metrotik erori da langile bat, eta hil egin da. Jarraian, langilea igota zegoen garabia bera erori da, eta beste pertsona bat zauritu da.
Sindikatuek segurtasun eta ikuskaritza falta salatu dute, eta gogora ekarri dute Hego Euskal Herrian 18 langile hil direla aurten lanean ari zirela. Gehiengo sindikalak mobilizazioa egingo du asteazkenean, Azpeitiko Udaletxe Plazan, 12:30ean.
