Italiako Giroa

Nieveren atsekabea eta Landaren poza

Leitzarra bigarren izan da Serru lakuan Zakarinen atzetik; murgiarrak, aldiz, minutu eta erditik gora jan die beste faborito handiei.

Ilnur Zakarin, gaurko etapa garaipena ospatzen, helmugan.
Ilnur Zakarin, gaurko etapa garaipena ospatzen, helmugan.

Imanol Magro Eizmendi -

2019ko maiatzak 24

Euskal txirrindulariek zeresan handia eman dute Italiako Giroko lehen mendi etapa gogorrean. Mikel Nieve (Mitchelton) eta Mikel Landa (Movistar) bigarren eta hirugarren izan dira, hurrenez hurren, Serru Lakuko helmugan. Biek, baina, aldarte ezberdinarekin bukatu dute. Nieve kopetilun, eguneko ihesaldian sartu ondoren Ilnur Zakarinek helmugatik bi kilometro falta zirenean kendu baitio etapako garaipena. Landak, aldiz, pozik, eraso ausarta jo ondoren tartea jan dielako beste faboritoei: 1.37 Primoz Roglic (Jumbo) eta Vincenzo Nibaliri (Bahrain); 2:58 Miguel Angel Lopezi eta 3.35 Simon Yatesi (Mitchelton). Horri esker Landa zortzigarren da sailkapen nagusia, Jan Polanc (UAE) liderrarekiko 5.08ra.

Mendiko etapa gogorra jokatu da: 196 kilometro, lehen mailako hiru mendate eta 4.000 metrotik gorako desnibel pilatua. Bi interesgune izan ditu: etapa garaipena eta sailkapen nagusiko borroka. Etapa hasi eta berehala 28 ihesaldiko multzoa sortu da, jende onarekin, eta etapa jokatu hala nahiko garbi ikusi da eguneko irabazlea aurrean zela. Iheslarien artean Ion Izagirre (Astana) eta Nieve zeuden. Biek asko eutsi diote, baina indartsuena Zakarin izan da. Izagirreren lana oso garrantzitsua izan da ihesaldia bizirik mantentzeko, eta Nieve azken aldapetara arte eutsi dio. Helmugatik bi kilometrora bera eta zakarin zeuden buruan, baina ezin izan dio eutsi errusiarraren azken estutuari.

Atzean, sailkapen nagusirako borrokan Landak eman du jauzi handiena. Serru Lakuko lehen aldapetan erasoa jo eta bakarka egin ditu azken hogei kilometroak. Ausart egin du aurrera, igoera ederra eginez, eta kilometroak pasa hala tartea jaten joan da. Atzean faboritoek euren erritmora igo dute, eta Yates izan da gehien sufritu duena. Lopezek, aldiz, zorte txarra izan du, matxura baten erruz atzean gelditu eta denbora galdu duelako.

Ondorioz, hau da sailkapen nagusia 13. etaparen ondoren:

1. Jan Polanc (UAE): 54.28.59

2. Primoz Roglic (Jumbo): 2.25era

3. Ilnur zakarin (Katuxa): 2.56ra

4. Bauke Mollemak (Trek): 3.08ra

5. Vincenzo Nibali (Bahrein): 4.09ra

6. Richard Carapaz (Movistar): 4.22ra

7. Rafal Majka (Bora): 4.28ra

8. Mikel Landa (Movistar): 5.09ra

9: Pavel Sivakov (Ineos): 7.13ra

10. Miguel Angel Lopez (Astana): 7.49ra

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Zarauzko (Gipuzkoa) hondartz, ekainean. ©Juan Carlos Ruiz / FOKU

Zarauzko Talai Mendi kanpinean PCR probak egiten dabiltza, bezero ohi batek positibo eman ostean

Amaia Ramirez de Okariz Kortabarria

Langileei PCR probak egin dizkiete, eta etxera bidali dituzte. Bezero batzuei ere egin dizkiete probak. Emaitzak jaso bitartean kanpinera inor ez sartzeko ez ateratzeko eskatu dute.

Parke bat hutsik, iragan apirilean, Bilbon. ©Luis Tejido / Foku

Bilboko udaleku batzuetan positibo bat atzeman dute, eta 38 lagun bakartu dituzte

Berria

Haur bati COVID-19a detektatu diotela-eta, haren kideek, begiraleek eta horien guztien bizikideek hamar egun igaro behar dituzte etxean, bakartuta.

Hainbat herritar, Iruñean, maskara jantzita. / ©Iñigo Uriz, Foku

Maskarak erabiltzea derrigorrezkoa izango da Hego Euskal Herrian

Joxerra Senar

Araban, Bizkaian eta Gipuzkoan, bihartik aurrera kalean ere jantzi beharko da maskara; Nafarroan, etzitik aurrera. Igerilekuetan eta hondartzan, maskara jantzi beharkoa da, bainua hartzeko izan ezik. Kirola egiteko orduan edo naturguneetan ken daiteke. Jaurlaritzak botila festa debekatu egin du.

Herritarrak PCR proba egiteko zain. ©Jon Urbe / Foku

80 kasu gehiago Hegoaldean, eta lehen hildakoa Nafarroan ekainaren 11tik

Edu Lartzanguren

Gipuzkoan indarrez ari da izurria: 41 kasu baieztatu dituzte. Iruñean beste agerraldi bat atzeman dute, eta gutxienez hiru lagun kutsatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna