Albistea entzun

Txirrindularitza

Longo-Borghinik gainsariei esker irabazi du Emakumeen Bira

Ausart jokatuta irabazi du azken etapa, eta bi segundoko aldea atera dio Amanda Spratt iazko irabazleari

Elisa Longo-Borghini Oñatiko helmugan sartzen.
Elisa Longo-Borghini Oñatiko helmugan sartzen. Foku

Imanol Magro Eizmendi -

2019ko maiatzak 25

Elisa Longo-Borghiniren (Trek) ausardiak saria izan du, eta azken etapako helmugan lorturiko gainsariei esker irabazi du Emakumeen Bira. Italiarrak altxa ditu besoak Oñatiko helmugan, eta gainsariko hamar segundoei esker hartu dio aurrea Amanda Spratt (Mitchelton) aurreko liderrari. Australiarrak hamabi segundoko aldearekin hasi zuen azken etapa, eta bosgarren izan da irabazlearen atzetik egon den esprintean. Hirugarren izan balitz berak irabaziko zukeen Bira, lau segundoko gainsaria lortu izango zukeelako.  

Birako azken etapa (Oñati-Oñati, 155 km.) ederra izan da. Euripean hasi eta errepide bustietan barrena jokatu da. Lehen kilometroetan ihesaldiak egon dira. Movistar eta Trek taldeko txirrindulariek lan handia egin dute lasterketa gogortzeko. Benetako galbahea, baina, eguneko azken mendatean egin da, San Asentzion gora. Zortzikote batek ihesean ekin dio igoerari, eta gero gehitu zaizkie Longo-Borghini, Spratt, Van Vleuten (Mitchelton) eta Majerus (Boels).

Mitcheltonek lasterketa kontrolpean zuela zirudien, baina Longo Borghinik eraso ausarta jo du San Asentzion gora. Helmugarako hamazazpi kilometrora erabaki du aurrea bakarrik egitea. Aldapa behera hobekien moldatzen den txirrindularietakoa izatearen ospea du, baina tartea goraka egin du. San Asentzioko gainean 25 segundoko aldea zuen, eta jaitsieraren ondoren zortzi kilometroko ordeka zatia falta zitzaion. Longo Borghinik jaitsiera beldurgarria egin du, eta hogei segundoko aldearekin iritsi da ordekara. Tarte hori jazarpen proba izan da. Longo Borghinik atzeko multzoa nola handiztzen den ikusi du, eta gero eta gertuagoa zegoela. Azkenean lau segundoko aldearekin sartu da helmugan, eta Sprattek eskuratu zezakeen gainsariak erabakiko zuen irabazlea. Azkenean bosgarren izan da. Irabazleak etapa bukatu eta bost minutura jakin du irabazlea zela, telefonoz.

Ane Santesteban (Rotor), zortzigarren izan da lehen euskal ordezkaria, Eider Merinorekin (Movistar) berdinduta. Denbora bera egin dute eta postuei esker bukatu au aurretik.

Sailkapen Nagusia:

1. Elisa Longo Borghini  (Trek) 12.1.41
2. Amanda Spratt (Mitchelton)  2ra
3. Soraya Paladin (Ale Cipollini)  7ra
4. Tayler Wiles (Trek) 14ra
5. Mavi Garcia (Movistar)  34ra
8. Ane Santesteban (WNT Rotor) 1.07era
9. Eider Merino (Movistar)  d.b.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Isak gola ospatzen, atzo, Sturm Grazen aurkako neurketan. ©CHRISTIAN BRUNA / EFE

Realak lehen garaipena lortu du Europa Ligan

Jone Bastida Alzuru

Realak irabazi egin du Sturm Grazen aurkako partida: 0-1 gailendu da. Isakek sartu du lehiako gol bakarra, bigarren zatian

 ©SEDIS BASQUET

«Momentuaz gozatzen ari naiz»

Jone Bastida Alzuru

Estatistikek erakusten dute Etxarri sasoi hasiera aparta egiten ari dela: Espainiako Lehen Mailako saskiratzaile nagusia da, partidako batez beste 19,2 puntu bilduta. Hazten segitu nahi du.
Osasunako jokalariak, <em>Chimy</em> Avila-k Vila-reali sartutako gola ospatzen. ©DOMENECH CASTELLO / EFE

Denak bat eginik, gorabidean

Eñaut Agirrebengoa

Osasuna bosgarren postuan iritsiko da Lehen Mailako hamargarren jardunaldira, hasiera itzela osatu eta gero. Miguel Flañoren ustez, oraingo emaitzak azken urteetan hartutako ildoaren segida dira: «Oso egina dago taldea». Gorritxoek onbidean jarraitu nahi dute gaur, Sadarren Granadari irabazita.

 ©MONIKA DEL VALLE / FOKU

«Azken urte eta erdian asko sufritu dut; burumakur nengoen»

Mikel O. Iribar

Azken hamasei hilabeteak ez dira garairik samurrenak izan Zaratamokoarentzat, hainbat arrazoirengatik. Pixkanaka, sentipen «hobeagoak» ditu. Bihar, Lasoren aurkako partida erabakigarria jokatuko du, Zallan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.