Kordoba 2-3 Osasuna

Osasuna, Bigarren Mailako txapeldun

Markagailuak adierazten duen baino errazago gainditu zuen Osasunak Kordoba, eta igoeraren ondoren, matematikoki lortu du dagoeneko Bigarren Mailako lehen postuan amaitzea.

Osasunako jokalariak, artxiboko argazkian.
Osasunako jokalariak, artxiboko argazkian. Villar López/EFE

Berria -

2019ko ekainak 1

Ordu laurdena igarotzerako bideratuta zuen Osasunak Kordobaren aurkako partida. Xiscok eta Brandonek gol bana sartu ondoren, 0-2 jarri ziren aurretik gorritxoak. Helbururik handiena lortua zuten Jagoba Arrasateren jokalariek: datorren denboraldian Lehen Mailan jokatzea. Orain, ordea, beste balentria bat ere lortu du Osasunak: Bigarren Mailako txapeldun amaituko du aurtengoa.

Lasai jokatu zuten gorritxoek, baloia ondo mugituz. Buruz egin zuen lehen gola Xiscok, eta Brandoni egindako penalti argia adierazi zuen epaileak hamar bat minuturen bueltan. Barrura jaurti zuen Brandonek, bi goleko aldearekin iritsi ziren atsedenaldira. Bigarren zatia hasi, eta hirugarrena egin zuen Luis Pereak, Nacho Vidalen erdiraketa buruz jota. Hortik aurrera, Kordobako jokalariak saiatu ziren markagailuari buelta ematen, baina estuasun handirik gabe iritsi ziren partidaren amaierara Arrasaterenak.

Alfarok eta Piovaccarik egin zituzten etxekoen bi golak, baina ezin izan zuten markagailua berdindu. Hiru puntuak eskuratuta, matematikoki, Osasuna da Espainiako Ligako Bigarren Mailako txapelduna.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Osasunako jokalariak garaipena ospatzen, Athletici irabazi ostean, Sadarren, klubaren mendeurrenean. ©IÑIGO URIZ / FOKU

Ginga jarri dio mendeurrenari

Mikel O. Iribar

Osasunak irabazi egin dio Athletici euskal derbian, klubaren 100. urteurrenean. Ruben Garciak sartu du partidako gol bakarra, penaltiz. Aurkariaren atean zehaztasunik gabe aritu dira bi taldeak

Lucas Ocampos Sevillakoa eta Takashi Inui Eibarrekoa, lehian, atzoko partidan. ©MANUEL VIDAL / EFE

Garaipen prestigioduna

Iñigo Lasa

Lehen aldiz irabazi du Eibarrek Sevillaren aurka Sanchez Pizjuanen, eta emaitzen bolada onari eutsi dio. Kike Garciak sartu du gola

Realeko jokalariak Getaferi sartutako gol bat ospatzen. ©JON URBE / FOKU

Realak lidergoari eutsi nahi dio, eta Alavesek, gora egin

Jon Ander De la Hoz

Gipuzkoarrek Huesca hartuko dute Anoetan. Valladoliden zelaian jokatuko dute arabarrek

Geogheganentzat Giroko etapa, eta Wellensentzat Vueltakoa

Geogheganentzat Giroko etapa, eta Wellensentzat Vueltakoa

Ainara Arratibel Gascon

Bihar amaituko da Italiako Giroa, eta Hindley eta Geoghegan denbora berdinarekin abiatuko dira azken erlojupekoan. Pello Bilbao laugarren da, eta 1.19ra du podiuma.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna