Merkataritza

Amazonek datozen egunetan zabalduko du Trapagarango gune logistikoa

Pabilioiak 8.000 metro koadro hartuko ditu Babcock&Wilcoxenak ziren lurretan. 50 lanpostu sortuko dituela azaldu du konpainiak.

Amazonen biltegi bat Rheinbergen, Alemanian.
Amazonen biltegi bat Rheinbergen, Alemanian. FRIEDEMANN VOGEL / EFE

Irune Lasa -

2019ko ekainak 5

Hilabete batzuetan Lezamako behin-behineko biltegian jardun ostean, Amazon plataforma ezagunak jakinarazi du datozen egunetan Trapagaranen (Bizkaia) biltegia zabalduko duela, Bilbo eta haren inguruan hornitzeko xedez. 8.000 metro koadroko gunea Babcock&Wilcoxenak ziren lurretan egongo da eta bertan 50 pertsona ariko dira lanean. 

Banaketa lanak, berriz, bi enpresa desberdinetako 60 beharginek egingo dituztela azaldu du Amazonek. "Poz-pozik gaude Trapagarango geltoki logistikoaren zabalerarekin. 20 urteko esperientziarekin batera, aurrerapen teknologikoek eta inbertsioek ahalmen eta malgutasun gehiago ekarriko dute gure banaketa sarera, eta gaiak inoiz baino bizkorrago eman ahal izango ditugu eskura", azaldu du Amazon Logistics-en Europako zuzendariorde John Tagawak.

Trapagarango jarduneko alkate Xabier Cuellarrek nabarmendu du Amazonen gune berriak jarduera itzuliko duela erabili gabe urteak egin dituzten lurretara, eta horrek enplegu aukera eta diru sarrera berriak ekarriko dizkiola udalari. "Abagunea baliatzeko lan egingo dugu, gure herriko langabeek enpresa honetan aritzeko aukera izan dezaten".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©PEDRO PUENTE HOYOS / EFE

«'Pandemiaren urteak', esan nuen. Urteak izango direlakoan: urteak»

Arantxa Iraola

Aurrera urratsa egin, eta hedabideetan naro-naro dabilen zientzialarietako bat da Del Val; txertoa lortzeko prozesuak oso azkar doazela onartu du, baina uste du une aski zailak eragin ditzakeela oraino ere izurriak.

 ©Juan Carlos Ruiz / Foku

COVID-19ak hiru hildako utzi ditu Nafarroan

Berria

13.012 PCR egin dituzte Hego Euskal Herrian, eta horietatik 842k positibo eman dute. 

Protesta bat Gasteizen. ©E.PORTILLO/ FOKU

Arabako zahar etxeak ere, grebara

Erredakzioa

Hiru lanuzte egingo ditute, ELAk, LABek, UGTk eta CCOOk deituta, «prekarizazioa» salatzeko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna