Mali

Ehun lagun inguru hil dituzte Maliko herri batean

Defentsa Ministerioak baieztatu du erasoa; dogon etniakoak bizi diren Sobane herrian izan da. Beste 20 bat herritar desagertuta daude. Azkenaldian borroka ugari izan dituzte inguru hartan.

NBEren ibilgailuak, Malin, artxiboko argazkian.
NBEren ibilgailuak, Malin, artxiboko argazkian. NICOLAS REMENE / EFE

Berria -

2019ko ekainak 10

Dogon etniakoak bizi diren Sobane herriari eraso eta ehun bat lagun hil dituzte, Maliko Defentsa Ministerioak eta France 24 kateak baieztatu dutenez. Mopti hiriaren inguruan dago herri hori, Mali erdialdean. Aipatutako iturriek ez dute zehaztu nor izan diren erasotzaileak; armatuta Sobane herrixkan sartu eta herritarrak tiroka hil dituztela azaldu dute, eta gutxienez 95 gorpu erreskatatu dituztela erasoaren ondoren. Beste 20 bat desagertuta daude.

Azkenaldian liskar ugari izan dituzte dogon eta fula etnietako kideek, lurraren eta uraren inguruan, besteak beste. Dogon etniakoek talde jihadistekin harremanak izatea ere egotzi izan diete fula etniakoei, eta azken horiek salatu izan dute Maliko armadak dagon etniakoak armatu izan dituela. Urte hasieran, esaterako, 150 fula hil zituzten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna