Noiz sortua: 2019-06-20 07:39:05

Lan gatazkak

Ertzaintzak bi behargin atxilotu ditu Zornotzan, metalgintzako protestetan

Istiluak egon dira goizaldean Bizkaiko hainbat lantegitan, Ertzaintzak piketeei aurre egin ondoren. Metalgintzako grebara deitu dute ELAk, LABek, CCOOK eta UGTk sektoreko itunaren alde. 50.000 behargin inguru ari dira alor horretan.

Errepidea moztuta, gaur goizean, Zornotzan (Bizkaia).
Errepidea moztuta, gaur goizean, Zornotzan (Bizkaia). LAB Tamaina handiagoan ikusi

Xabier Martin -

2019ko ekainak 20

Langile gehien dituen Bizkaiko industria alorrean greba dago. Gaurko eta biharko lanuztera deitu dute sindikatu nagusiek, ELAk, LABek, CCOOk eta UGTk, eta istiluekin hasi da mobilizazioa gaur. Hainbat enpresaren atarian piketeak informazio lana egiten ari zirela Ertzaintza azaldu da, eta tentsio uneak egon dira. Zornotzan, bi langile atxilotu dituzte, Ertzaintzak berak berri eman duenez. 08:30ean hasi dira istiluak han, Montorrako industrialdean. Grebalariek barrikada bat egin dute pneumatikoekin, eta sua eman diote, Ertzaintzaren arabera. "Agintaritzaren aurkako atentatua" egiteagatik hartu dituzte atxilo beharginak.

Ekainaren 6ko greba egunean ere istiluak egon ziren langileen eta Ertzaintzaren artean; orduan, Boroako industrialdeean. Ertzaintzaren esan zuen agente bat zauritu egin zela. Istiluak ez dira bakarrik Zornotzan izan, hala ere. Ermuko Estampaciones Metalicas EGI enpresaren aurrean ere, behargin talde handi bat pikete lana egiten aritu da goizean, eta Ertzaintza oldartu egin zaie. Enpresak hainbat kalte izan ditu, BERRIAk jakin ahal izan duenez.

Izan ere, ez atzera ez aurrera daude oraindik ere Bizkaiko metalgintzako ituna lortzeko negoziazioek. Hogei bider elkartu dira alde biak, baina oraindik ez da ezer lortu. Lau sindikatu nagusiek —ELA, LAB, CCOO eta UGT— plataforma bateratu bat eratu zuten maiatzean proposamen bateratuak eramateko mahaira, eta, maiatzaren 17ko bileran, patronalak aztertzeko denbora eskatu zien. Greba egun bat egin zuten tartean —deitzaileen arabera, arrakastatsua—, eta, berriro ere mahaian eseri direnean, akordiorako zantzu gutxi sumatu dute.

"Arduragabeak"

FVEM metaleko patronalak sindikatuei «arduragabeak» izatea leporatu die egunotan, negoziazio mahaian eserita egonda ere grebarako deia egina dutelako. «Arduragabeak haiek dira", dio Mikel Etxebarria ELAko arduradunak; "proposamen bateratua egin aurretik ere eduki gehienak ezagutzen dituztelako. Zenbat bilera gehiago egin beharko ditugu? Ekarri duten azken proposamena aurretik mahai gainean jarritakoak baino okerragoa da».

Bistan da: lan gatazka gogortzen ari da azken egunetan, eta gaur goizeko jardun istilutsuak egoera gehiago gaiztotu dezake. Hainbat enpresetan eragindako kalteek eta beharginen atxiloketek ez dute lagunduko. Eta gainera, sektorean zabaltzen hasi da uda amaieran greba luzeago bat prestatzen ari ote den. Aldeak ez badira ados jartzen irailerako, egin daitezkeen lanuzteak ez lirateke bi egunekoak izango, luzeagoak baizik.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 5ean eguneratua. ©BERRIA

Koronabirusaren azken datuak

Berria

Azkeneko 24 orduetan hiru lagun hil dira COVID-19 gaitzaren eraginez. Hamalau positibo atzeman dituzte PCR probekin, eta ez dute gaixorik ospitaleratu. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hegoaldean

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak

Irati Urdalleta Lete

Astelehenetik hogei pertsona biltzeko aukera egongo da. Diskotekak eta gaueko tabernak itxita mantenduko dituzte.

Patricia Fanlo, Laura Imaz, Jose Espinoza, Marina Delgado eta Irati Ormazabal medikuak. ©IÑIGO URIZ / FOKU

Ondorioei begira

Arantxa Iraola

Erne daude medikuak, COVID-19ak pazienteetan nolako ondorioak izan ditzakeen begiratzen: lehen irudipenen berri eman du Iruñeko Ospitale Guneko sendagile talde batek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna