Itsasoaren baldintzen inguruko kexurik ez dute izan gaurkoan arraunlariek. Haizerik gabe eta itsasoa bare zutela jokatu dute Zierbenan Petronor bandera, eta atzokoan bezala, Oriokoak izan dira nagusi. Jon Salsamendik zuznetzen duen San Nikolas ontziak hiru segundo baino gehiagoko tartea atera dio bigarrenari, Donostiarrari.
Ohorezko txandan Zierbena, Hondarribia eta Santurtzi izan ditu aurkari Oriok, eta bigarren ziabogarako argi utzi du bera zela lauetan irabazteko aukera gehien zituena. Hirugarren tokiarekin konformatu behar izan dute etxekoek, eta laugarren egin dute Hondarribiakoek.
Horrela geratu da @Petronor_Info-ko Banderaren sailkapena, @caixabank-eko Koroaren bigarren jardunaldian! #EuskoLabelLigapic.twitter.com/zI8iQkic7R
— Eusko Label Liga (@actraineras_eus) 2019(e)ko ekainaren 23(a)
Sailkapen nagusian, berriz, Orioren atzetik geratu da Zierbena, Hondarribia eta Donostiarra atzetik dituela. Aurreko denboradian txapeldun izan zen Urdaibai, berriz, bosgarren tokian da, Santurtziren atzetik.
