Erronka

Aritz Egea Ordizia-Txindoki-Ordizia erronkako marka hausten saiatuko da larunbatean

Iñaki Maiorak ezarri zuen marka, 1978an. Egearen iritziz, oso zaila izango du Txindokiko jaitsieran denbora hobetzea, "partziala ikaragarria" delako. Horrenbestez, Txindoki igotzen eta bizikletan atera beharko du aldea.

Aritz Egea mendi korrikalaria eta Iñaki Maiora Ordizia-Txindoki-Ordizia erronkako markaren jabea, Lazkaomendin, Txindoki atzean dutela.
Aritz Egea mendi korrikalaria eta Iñaki Maiora Ordizia-Txindoki-Ordizia erronkako markaren jabea, Lazkaomendin, Txindoki atzean dutela. Iñaki Gurrutxaga/Goierriko Hitza

Berria -

2019ko uztailak 4 16:21

Goierrin (Gipuzkoa) ospe handikoa den marka bat ontzen saiatuko da Aritz Egea mendi korrikalaria, larunbatean. markak 41 urte luze iraun du: oraindik indarrean dago Iñaki Maiora ormaiztegiarrak 1978. urtean ezarri zuena. Erronka Ordiziatik Txindokira igotzea da, eta handik itzulerako bidea egitea, bizikletan eta korrika. Probaren lehen zatian, Ordiziatik Larraitzerako bidea egin beharko du Egeak, bizikletan. Larraitzera igo baino metro batzuk lehenago, Gaintzarako bidegurutzean, bizikleta utzi eta korrika abiatuko da Txindokiko tontorrerantz. Handik bueltan, bizikleta hartuko du berriz Larraitzen, eta halaxe egingo du Ordiziarainoko bidea. Guztira, 24,6 kilometroko bidea.

Maiorak ordu bat, 26 minutu eta 28 segundoan ezarri zuen marka. 16 minuturen aldea atera zion Juan Jose Rezolak 1953an egin zuen denborari: ordu bat, 42 minutu eta 30 segundo behar izan zituen hark. Larunbatean 10:00etan abiatuko da Egea Maioraren marka hobetzera.

Egea sasoi betean helduko da erronkara. Joan den astean, Mont Blanc-eko mendi maratoian parte hartu zuen, eta bederatzigarren izan zen. Urretxuarrak lasterketatik bueltan adierazi zion Goierriko Hitza-ri "hanketako minez" zegoela oraindik, baina erronkarako ongi egotea espero du. Nabarmendu du ez dela lan erraza izango, Maiorak "denbora oso ona" egin zuelako. "Kontuan izan behar da orain dela 40 urte egindako denbora dela", adierazi du.

Korrikalariaren esanetan, korrika egin beharreko bidea ez da asko aldatu azken lau hamarkadetan, baina errepidea eta txirrinduak asko hobetu dira, eta hori alde izango du. Egea txirrindularia izandakoa da, nahiz eta aspaldian ez den kirol horretan aritu.

Korrika, berriz, gorako bidean hobetu beharko ditu Maioraren denborak, marka hautsiko badu. Urretxuarrak oso zaila ikusten du beherakoan Maiorak egindakoa gainditzea. Haren esanetan "partziala ikaragarria" da. Txindokitik Larraitzera, 15 minutu eta 13 segundo besterik ez zituen behar izan Maiorak. Egearen esanetan, denbora hori "zorakeria" da, eta "asko arriskatu behar" da marka horretara hurbiltzeko. Ez da Egearen asmoa. Hiru aste barru Golden Trails zirkuituko Dolomitetako lasterketan parte hartuko du, eta ondo iritsi nahi du hara.

Ordiziako Emaneurre realzale taldeak porposatu zion erronka Egeari, taldearen hamargarren urteurrenaren harira. Emaneurrek zuzenean eskainiko du marka hauste ahalegina, streaming bidez, ibilbidera gerturatuko ez direnek ere erronka jarraitzeko aukera izan dezaten. Taldearen sare sozialetan zabalduko dute seinalea, eta hainbat komunikabidek ere eskainiko dute zuzenekoa. Horien artean, Goierriko Hitza-k. Horrez gain, Emaneurrek pantaila erraldoi bat jarriko du Ordiziako Olano tabernaren parean.

 

 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Baikoren pilotarien arteko bilera, joan den urriaren amaieran. ©Aritz Loiola / Foku

Akordioa lortu dute EPELek eta pilotariek

Julen Etxeberria - Paulo Ostolaza

Grebalariek onartu egin dute enpresen ligak egindako eskaintza, eta bertan behera utzi dute lanuztea. Iosu Eskirozi, Victor Estebani, Unai Lasori eta Jon Mariezkurrenari kontratuak berrituko dizkiete.

Panaman aritu zen azkenekoz Euskal Selekzioa ©

Euskal Selekzioak Costa Ricaren aurka jokatuko du azaroaren 16an, Ipuruan

Aitor Manterola

FIFAko egutegiaren barruan hirugarren partida izango da gizonezkoen selekzioarentzat: Venezuelaren aurka aritu zen 2018an, eta Panamaren kontra iaz. Horixe izan du azkeneko partida orain arte.

 ©EFE

Woodsek irabazi du Uribarri-Gaubean

Aitor Manterola

Azkeneko kilometroan utzi ditu atzean iheskideak, tartean bigarren izan den Omar Fraile. Richard Carapazek eusten dio lehen postuari. 

 ©BERRIA

«Buruz indartsua ez bazara, eskiak frustrazioa ekar dezake askotan»

Unai Ugartemendia

Ainhoa Ibarra gernikarra Euskal Herriak eman duen eskiatzailerik onena da. Oso gaztetan, Katalunia aldera abiatu zen, bere pasioarekin jarraitzeko asmoz. Lau Olinpiar Jokotan aritu da bere ibilbidean, eta gaur egun bere talde propioa dauka Aran bailaran (Herrialde Katalanak); Kataluniako selekzioan duen koordinatzaile tekniko lanpostuarekin uztartzen du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna