Lehen entzierroa izanik, ez da beste batzuetako jende olderik izan Iruñean. Horrek erraztu egin du korrikalarien eta zezenen lana. Izan ere, azkar egin dute animaliek plazarainoko ibilbidea, nahiz eta bidean gutxienez bost zauritu eragin. Haietako hiruk adarkadak jaso dituzte zangoetan eta lepoan, eta beste biek kolpeak hartu dituzte buruan. Hiru eraman behar izan dituzte erietxera, tartean adarkatuetako bat.
Ohiko moduan santuari abestu ostean, suziria bota eta irten dira Puerto de San Lorenzo ganaduetxeko zezenak kortatik. Azkar joan da taldea Estafetara heldu arte. Han zezenetako bat erori egin da eta atzean geratu da. Orduan izan sortu dira lasterketako arrisku une nagusiak, atzean geratutako animalia noraezean ibili baita une batez. Hain zuzen ere orduan jaso du adarkada korrikalarietako batek.
Zezenetako bat atzean geratzen zen bitartean, gainontzekoek aurrera jarraitu dute eta unaien laguntzarekin berehala sartu dituzte ikuiluetara. Azken zezenak ere laster aukitu du plazarako bidea eta orotara bi minutu eta 41 segundo behar izan du taldek ibilbodea osatzeko.
