Txirrindularitza

Trentinek helmugaraino eraman du ihesaldia

Italiarra izan da zuhur eta indartsuena , eta berak irabazi du Tourreko 17.etapa. Sailkapen nagusian ez da aldaketarik egon.

Mateo Trentin besoak irekita, Gapen lorturiko etapa garaipena ospatzen.
Mateo Trentin besoak irekita, Gapen lorturiko etapa garaipena ospatzen. GUILLAUME HORCAJUELO / EFE

Imanol Magro Eizmendi -

2019ko uztailak 24

Mateo Trentinek (Mitchelton) itxura ona eman du Tour osoan, eta Gapen jarrai dio ginga lanari. Etapa ehiztari bikaina da, eta gaurkoa tankera horretako txirrindularientzako aproposa zen. Etapa hasi eta berehala tropelak 34 kideko ihesaldi bat onartu du eta Trentin izan da indartsuena. Bere ibilbidean Tourrean lortu duen hirugarren etapa garaipena da, eta guztira sasoi honetako laugarrena. Sailkapen nagusian ez da aldaketa handirik egon. Tropela hogei minutura helmugaratu da eta Julian Alaphilippek (Deceuninck-Quick Step) jarraitzen du lider.

Ibilbidea luzea (200 kilometro), gorabeheraz betea, eta Alpeei ekin bezperan, gaurko etapak ihesaldi bat antolatu eta helmugaraino eramateko ezaugarri guztiak zituen. Tropelak ere bazekien, eta hasi eta berehala osatu da. 33 sartu dira, izen handi asko tartean: Trentin bera, Greg van Avermaet (CCC), Bauke Mollema eta Thomas Skujins (Trek-Segafredo), Nicolas Roche (Sunweb), Edvald Boasson Hagen eta Ben King (Dimension Data)... eta Omar Fraile eta Gorka Izagirre (Astana).

170 kilometro egin dituzte elkarrekin, helmugatik 30 kilometrora 11ko talde batek aurrera egin duen arte. Bertan zen Gorka Izagirre. Ormaiztegikoak ilunpean pasa du Tour osoa, baina Gapera bidean hanka onak erakutsi ditu. Trentin zen multzoko esprinterrik onena, baina ausart jokatu du. Bere burua ondo sumatu eta erasoa jo du, helmugatik 11 kilometrora zegoen hirugarren mailako mendatean.

Indartsu dago Trentin, eta inork ezin izan dio arrastoa jarraitu. Berehala ireki du minutu erdi inguruko aldea, eta arazorik gabe kudeatu du azken kilometro bihurrietan. Kasper Asgreen (Deceuninck-Quick Step) izan da bigarren, 47 segundora. Gorka Izagirre seigarren izan da 41 segundora. Hanka onak erakutsi ditu, itxaropena piztuz.

Ostegunean Alpeetako lehen etapa jokatukoda, Tourreko gogorrenetako bat. 208 kilometro ditu eta bi mila metrotik gorako hiru mendate: Vars, Izoard eta Galibier.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna