Albistea entzun

EBZ

Alemaniako Justiziak konstituzionaltzat jo du EBko banku batasuna

Alemaniako ekonomista talde batek jarritako kereilari erantzun dio herrialdeko Auzitegi Konstituzionalak

EBZk aurten jalkitako 200 euroko billeteak.
EBZk aurten jalkitako 200 euroko billeteak. JORGE OTEIZA / EFE

Jon Fernandez -

2019ko uztailak 30

EBZ Europako Banku Zentralak Alemaniako Auzitegi Konstituzionalaren bedeinkapena jaso du gaur. Alemaniako ekonomista talde batek EBko banku ikuskatzaile bakarraren kontrako kereila bat jarri zuten iaz herrialdeko Auzitegi Konstituzionalean, iritzita EBZren banku ikuskaritzak eta kiebran dauden finantza erakundeak erreskatatzeko mekanismoak Alemaniako legedia urratzen zuela. Bada, auzitegiak ezetz ebatzi du gaur, EBZren ikuskaritza eta bankuak erreskatatzeko mekanismoa bat datozela Alemaniaren araudiarekin.

Markus Kerberrek, kereila jartzaileen ordezkariak, joan den urrian hitz egin zuen epailearen aurrean, bere salaketa defendatzeko. Argudiatu zuen EBko banku batasunaren sistemarekin Alemaniak bere esku ez dauden eta kontrolatu ezin dituen faktoreen araberako erantzukizun finantzarioak hartzen dituela bere gain eta, gainera, herrialdeak ez daukala erabakimenik mekanismoaren gainean. Kerberrek adierazi zuenez, Alemaniako Gobernuak eta parlamentuak kanpoko erakunde bati, EBZri, eman zioten herrialdearen subiranotasunaren zati bat, "herritarrak babesgabe utzita".

Epaiketan, Alemaniako Gobernuak kontrakoa argudiatu zuen: Alemaniarentzat ona dela banku batasunean parte hartzea, gaur egun finantza erakundeek partekatzen dituzten sare estuen ondorioz, tokian tokiko arazo bat berehala bihur daitekeelako eurogune osoa desegonkortu dezakeen arazo bat.

Alemaniako Auzitegi Konstituzionalak gobernuari eman dio arrazoia. Epaitegiak argudiatu duenez, EBZren eta krisien kontrako sistemaren erantzun gaitasuna "ez da mugagabea", eta "legitimazio demokratikoa behar du". Horregatik, bi oinarri horiei esker, banku batasunak bermatu egiten du "lotura demokratikoa", eta, beraz, sistema konstituzionala da.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Yolanda Diaz Espainiako Lan ministroa, erdian; haren ezkerretara, Unai Sordo CCOOko idazkari nagusia, eta eskuinetara, Pepe Alvarez UGTkoa. ©ZIPI / EFE

Hego Euskal Herriko gutxieneko soldata 1.080 eurora igo da

Imanol Magro Eizmendi

Espainiako Gobernuak %8 handitu du, eta 74.500 langileri eragingo die. CCOOrekin eta UGTrekin adosturiko eguneraketa da, eta adituek aholkatu zuten gehienezko igoeratik gertu dago

«Soldata igo arren, prekarioa izango da»

«Soldata igo arren, prekarioa izango da»

Maddi Iztueta Olano

Lanbide arteko gutxieneko soldata %8 igoko dute Hego Euskal Herrian. Asko dira gutxieneko kopuru hori irabazten duten langileak, eta, halako igoerak ongi etorriak izan ohi diren arren, «ez dira nahikoa».

Eneko Andueza PSE-EEko idazkari nagusia eta Andoni Ortuzar EAJko EBBko presidentea, iazko urrian. ©Oskar Matxin Edesa/Foku

EAJk eta PSE-EEk elkarrizketak hasi dituzte zerga erreforma baterako

Aitor Biain - Maddi Iztueta Olano

Helburua zerga sistemaren «progresibitatea handitzea» dela adierazi dute. Baina ez dute iragarri zer aldaketa aztertuko duten zehazki. ELAk eskatu du enpresa handiei zergak igotzea.

Baionako manifestazioa, 'Erretreten erreforma injustu hau gibelatu!' leloarekin. ©BERRIA

Milaka jendek uko egin diote erretreten erreformaren proiektuari

Ekhi Erremundegi Beloki

Bigarren greba eguna egin dute Ipar Euskal Herrian, sindikatuek deituta. Salatu dute adin batetik aitzina ezinezkoa dela baldintza egokietan lan egitea. Bihar protesta eginen dute Hendaian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.