Kontsumoa

Familien batez besteko gastua 34.200 euro izan zen 2018an, Araban, Gipuzkoan eta Bizkaian

Eustaten arabera, %1,5 igo da etxe bakoitzaren urteko gastua, baina krisi handiaren aurreko kopurutik behera dago oraindik ere erakuslea.

Ersoketak egiten Eroski supermerkatu batean.
Ersoketak egiten Eroski supermerkatu batean. EROSKI

Xabier Martin -

2019ko uztailak 30

2008. urtean, 34.672 euroko gastua egin zuten Arabako, Bizkaiko eta Gipuzkoako familiek, batez beste. Ordutik, familien gastuak gainbehera izugarria izan zuen, krisiak bere zartadarik handienak ematen zituen bitartean. Susperraldiarekin batera, kontsumoa hauspotu egin zen 2013ko bigarren erdialdetik aurrera, eta, 2018. urtean, familia batek egiten duen urteko gastua, batez beste, krisi aurreko mailara hurbildu da, 34.212 euro izan baita, 2008an baino 460 euro gutxiago.

Gauzak horrela, aurreko urtean baino % 1,5 handiagoa izan da familien gastua 2018an. Arabako, Bizkaiko eta Gipuzkoako familiei etxebizitzak, urak, argindarrak, gasak eta bestelako erregaiek eragiten diete gasturik handiena; 2017. urtearekiko % 2,9 igo da gastu hori. Familien gastuan, garrantzirik handieneko produktuen taldean bigarren tokian daude elikagaiak eta edari ez-alkoholdunak. Produktu horiek apenas izan duten igoerarik gastu osoari dagokionez (% 0,6). Gastuak igoera handia izan du, ordea, altzariei, etxeko gaiei eta etxearen mantentze arrunterako gaiei dagokienez (% 10,0). Aldiz, etxe bakoitzaren batez besteko gastua jaitsi egin da produktu hauetan: edari alkoholdunak eta tabakoa (-% 3,6), jatetxeak eta hotelak (-% 6,0) eta aisia eta kultura (-% 0,6).

30.980 milioi euroko gastua

Zenbaki absolutuetan, kontsumoko gastu osoa 30.980 milioi euro izan da 2018an Jaurlaritzaren eskumeneko hiru lurraldeetan, hau da, 2017an baino % 1,9 handiagoa, eta bilakaera desberdinak erregistratu dira gastu taldeetan. Hala, gastu bolumenean esanguratsuenak diren bi taldeetan gora egin du gastuak: etxebizitza, ura, elektrizitatea eta gasa biltzen dituen taldean, % 3,2 igo da; eta edari ez-alkoholdunen taldean, % 1,0. Garraioa % 1,7 igo da, eta jatetxe eta hotelena % 5,6 jaitsi da. Bestela, igoera nabarmena izan du osasunaren arloak (% 6,9), bai eta jantziek, oinetakoek (% 5,4) eta irakaskuntzak ere (% 4,6).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

18 kasatzeman dituzt azken ordueta Zangozan. ©Iñigo Uriz/FOKU

Beste neurri batzuk hartuko dituzte Zangozan

Berria

Azken orduetan, 18 positibo atzeman dituzte han. Hego Euskal Herrian, 234 positibo izan dira.

Karpak jarri dituzt basurto ospitalearen kanpoaldean, PCR probak egiteko. ©Javier Zorrilla/EFE

PCR proba egitera deitu ditu Jaurlaritzak Bilboko Fever diskotekan eta Erandiogoikoko batzokian egon zirenak

Berria

Bihar goizean hasiko dira testak egiten. Diskotekarekin lotutakoei, Basurtuko ospitalean, eta batzokian izandakoei, Urdulizkoan.

Kaltzda Zahar eguneko zenroa, Bizkaian. ©Marisol Ramirez/FOKU

Eguneko zentroak irekiko dituzte gaur Araban, Bizkaian eta Gipuzkoan

Berria

Zahar etxeetako murrizketek abuztuaren 9ra arte jarraituko dute indarrean.

Hiru pertsona maskara jantzita ©Jon Urbe / FOKU

Gazte Kontseiluak sare sozialetan kanpaina bat hasi du maskarak erabiltzera deitzeko

Aloña Beraza Peña

Bi bideo egin dituzte eta sare sozialetan, telebistan eta komunikabideetan zabalduko dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna