Noiz sortua: 2019-08-19 17:02:32

ARRAUNA

Hondarribiak eta Oriok irabazi dute Zarautzen

Hondarribiarrek Oriori hartu diote aurre, eta bigarren dira orain Eusko Label ligako sailkapen nagusian, oriotarren atzetik. Euskotren ligan, berriz, Oriok marka berria ezarri du lehia amaituta: 55 puntu.

Orioko patroi eta arraunlariak, Euskotren ligako garaikurrarekin.
Orioko patroi eta arraunlariak, Euskotren ligako garaikurrarekin. Juan Carlos Ruiz / Argazki Press

Berria -

2019ko abuztuak 19

Larunbatean, Zarauzko Estropadetako lehen jardunaldian hasitako lana biribildu zuten Hondarribiak eta Oriok atzo, Eusko Label eta Euskotren ligan. Bezperan egin bezala, biek irabazi egin zuten. Hondarribiarrek ia bost segundo atera zizkieten oriotarrei, eta, guztira ia hamar segundoren aldeaz nagusitu ziren. Santurtzi sailkatu zen hirugarren, eta Zierbena laugarren. Eusko Label ligako saikapen nagusian, Oriok tinko dihardu lehen postuan. 175 puntu ditu, Hondarribiak eta Santurtzik baino hamasei gehiago. Behetik, San Pedro eta Astillero berdinduta daude 32 punturekin, azken-aurren eta azken postuan.

Euskotren ligan, berriz, Oriok handikiro ospatu zuen astebete lehenago irabazitako liga. Ia hamabi segundo atera zizkion Arraun Lagunaki, hemezortzi Donostiarrari eta 27 Hondarribiari. Bi jardunaldiak kontuan hartuta, berriz, oriotarrek ia hamabost segundoren aldea atera zioten Arraun Lagunaki, 31 Donostiarrari eta 48 Hondarribiari. Zarautzen lortutako garaipenarekin, gainera, marka ezarri du Txiki ontziak Euskotren ligan: 55 puntu. Puntu bakarrak egin dio ihes. Hala, hobetu egin du iaz San Juanek egindakoa.

KAE 1 ligan, berriz, Donostiarra B-k irabazi zuen Pedreñan (Espainia), Getariaren eta Zarautzen aurretik. Estropada baten faltan, Zarautzek ziurtatua du titulua, eta kanporaketan aritzea. Deustu da bigarren sailkapen nagusian, 162 punturekin, eta Getaria hirugarren, 151 punturekin. Ezusterik ezean, Bizkaiko ontzia ariko da Zarautzekin batera kanporaketan. 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 2an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan hamar lagun hil dira COVID-19 gaitzaren eraginez. Zortzi positibo atzeman dituzte PCR probekin, eta bost gaixo ospitaleratu dituzte. Euskal Herrian 29.491 gaixok eman dute positibo guztira, koronabirusa atzemateko probaren bat eginda. Horietatik 2.078 hil dira. Grafikoak, albiste barruan.

Maria Txibite, Manu Aierdi eta Elma Saiz kontseilariekin parlamentutik ateratzen. ©Idoia Zabaleta, Foku

Bortzgarren neurri sorta onartu du Nafarroako Parlamentuak

Berria

Navarra Sumaren abstentzioarekin eta bertze alderdi guztien baiezko botoarekin onartu dituzte neurriak. Bertzeak bertze kultura ogibide dutenentzat 50.000 euro arteko diru laguntzak onartu dituzte eta hamabi hilabetez luzatuko dituzte autonomoentzako eta aldi baterako lan erregulazioan daudenentzako alokairua ordaintzeko diru laguntzak. 

Elkarrizketa: Ana Galarraga eta Miren Basaras

«Zabaltzen jarraitu behar dugu ez dakigula benetan zer gertatuko den»

Jakes Goikoetxea

Asko dakite SARS-CoV-2 birusari eta COVID-19aren izurriteari buruz, baina, asko jakinda ere, zuhurtziaz jokatzen dute, ez baitakite zer gertatuko den epe laburrean eta luzera begira.

Behobiako zubia, Irun eta Hendaia artean, itxita. ©Andoni Canellada / Foku

Ekainaren 22an zabalduko dute Ipar eta Hego Euskal Herriaren arteko muga

Jon O. Urain

Reyes Maroto Espainiako Industria ministroak eman du dataren berri. Ia hiru hilabete daramatza itxita, eta itxierak eragozpen ugari eragin dizkie zonalde horietan bizi diren herritarrei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna