Albistea entzun

Bertsolaritza

Mikel Artolak irabazi du final-zortzirenetako azken saioa

Iñaki Zelaia, Oier Aizpurua, Unai Izagirre, Aitor Salegi eta Eneko Araiztegi izan ditu kantukide. Horiek ez dute aurrera egitea lortu.

Mikel Artola eta Iñaki Zelaia.
Mikel Artola eta Iñaki Zelaia. Jon Urbe

Erredakzioa -

2019ko urriak 5

Gipuzkoako Bertsolari Txapelketan, final-zortzirenetako azken saioa jokatu da gaur, Lasarte-Orian. Mikel Artolak bildu ditu puntu gehien (429), eta haren atzetik sailkatu dira Iñaki Zelaia (412,5), Oier Aizpurua (401), Unai Izagirre (397,5), Aitor Salegi (390) eta Eneko Araiztegi (389,5).

Saioetako irabazleek zuzenean lortzen dute hurrengo faserako txartela, eta gainerakoek puntuazioaren arabera. Gaurkoak, beraz, final-laurdenak zehazteko balio zuen. Honako hauek sailkatu dira: Ane Labaka, Unai Mendizabal, Haritz Mujika, Beñat Lizaso, Jokin Uranga, Gorka Maiz, Beñat Iguaran, Nerea Elustondo, Eñaut Martikorena, Maider Arregi, Unai Muñoa, Iñigo Mantzizidor, Ander Lizarralde, Maialen Akizu, Iñaki Gurrutxaga, Mikel Artola, Felix Zubia, Unai Gaztelumendi, Asier Azpiroz, Iban Urdangarin, Iñigo Izagirre, Mikel Tapia, Amaia Iturriotz eta Ane Zuazubiskar. Horiez gain, duela lau urteko finalean kantatu zuten sei bertsolari sartuko dira final-laurdenen fasean: Beñat Gaztelumendi, Alaia Martin, Agin Laburu, Iñaki Apalategi, Jon Maia eta Oihana Iguaran.

Datorren asteburuan atseden hartuko du txapelketak, eta urriaren 19an izango da hurrengo saioa, Andoainen. Honako hauek kantatuko dute: Asier Azpirozek, Beñat Iguaranek, Eñaut Martikorenak, Iban Urdangarinek, Iñaki Apalategik eta Unai Mendizabalek. Biharamunean, urriaren 20an, Irunen izango da saioa, eta kantuan Agin Laburu, Beñat Lizaso, Haritz Mujika, Iñigo Izagirre, Maider Arregi eta Unai Gaztelumendi ariko dira.

Final-laurdenetako bigarren asteburuan, urriaren 26an eta 27an, Eibarren eta Azpeitian jarraituko du txapelketak. Aurrenekoan, Felix Zubiak, Gorka Maizek, Jokin Urangak, Jon Maiak, Mikel Tapiak eta Unai Muñoak osatuko dute seikotea; bigarrenean, berriz, Alaia Martinek, Amaia Iturriotzek, Iñaki Gurrutxagak, Iñigo Mantzizidorrek, Nerea Elustondok eta Oihana Iguaranek.

Azkenik, azaroaren 2an Azkoitian jokatuko den saioak finalerdiak zehazteko balioko du: Ander Lizarraldek, Ane Labakak, Ane Zuazubiskarrek, Beñat Gaztelumendik, Maialen Akizuk eta Mikel Artolak kantatuko dute.

Nabarmentzekoa da jende asko ibili dela orain arteko saioetan. Gehienetan, eguna baino lehen agortu dira sarrerak, baita gaurkoan ere.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Nelly Arcan idazle quebectarra (1973-2009). ©ADAM BILINSKI

Luxuaren azpietatik

Itziar Ugarte Irizar

Literatura ikasketak egin artean luxuzko 'scort' lanetan aritu zen Nelly Arcan idazlea, eta garai hartan ikusitakoak garratz aletu zituen 'Puta' bere lehen eleberrian. Euskarara ekarri berri dute.
Michael Jacksonek 24 urte zituen <em>Thriller</em> kaleratu zuenean. ©BERRIA

Pop musika irauli zuen diskoa

Mikel Lizarralde

1982an argitaratu zuen Michael Jacksonek 'Thriller', eta, 40 urte geroago, historian gehien saldutako diskoen artean segitzeaz gain, kantariaren obra nagusia da. Hainbat bitxikeriarekin berrargitaratu berri dute.
 ©NEVER FOR EVER

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.