Albistea entzun

Kazetaritza

Kazetaritza feministari buruzko kongresua egingo dute bihar eta etzi, Bilbon

Mexikoko, Portugalgo, Frantziako, Espainiako eta Euskal Herriko ordezkariek parte hartuko dute. Pikara Magazine aldizkaria da antolatzaile nagusia.

Pikara-ren erredakzioan aurkeztu dute kongresua
Pikara-ren erredakzioan aurkeztu dute kongresua Pikara Tamaina handiagoan ikusi

Urtzi Urkizu -

2019ko urriak 8

Maria del Carmen Molife Kazetaritza Feministari Buruzko I. Kongresua bihar hasiko dute, Bilborock aretoan. Pikara-ko antolatzaileen ustez, aitzindariak izan diren hiru proiektu jarriko dituzte mahai gainean: Andra egunkaria, Frida aldizkaria eta Emakunde aldizkaria. Mertxe Arratibel, Maylin Vergara eta Arantzazu Zugasti arituko dira hedabide horien nondik norakoez. Gero, kazetari sareen inguruan mintzatuko dira Lola Fernandez Palenzuela (Kazetarien Nazioarteko Sarea), Ana Gaitero (Gaztela eta Leongo Kazetari Feministen Elkartea) eta Maite Asensio BERRIAko kazetaria. Asensiok arratsaldeko beste eztabaida batean parte hartuko du, honako kazetari hauekin batera: Goizalde Landabaso (EITB), Ana Requena (Eldiario.es), Onintza Irureta (Argia), Montserrat Boix (TVE) eta Patricia Simon (La Marea). Berri agentzien rola aztertuko dute, halaber, Cirenia Celestinok, Cristina P. Fragak eta Maria Sanzek. Eta hedabide feministen adibideak plazaratuko dituzte Klitto!-ko Ana Iruretagoienak, La Poderío-ko Antonia Ceballosek, Amazonas-eko Carmen Figueirasek eta Nazaret Castrok eta Pikara-ko Maria Angeles Fernandezek.

Ostegunean, berriz, lau tailer egingo dituzte: sareetako bortizkeria emakume komunikatzaileen kontra, lanbideko zaintzak eta autozaintzak, parekidetasunaren erronka analisten eta adituen artean, eta nola eragin begirada feminista duen nazioarteko kazetaritza. Gero, tailerretan piztutako eztabaiden eta bildutako ondorioen berri emango diote elkarri, Bilborock aretoan. Hogei komunikabidetako 150 langilek baino gehiagok parte hartuko dute kongresuan.

Pikara-ko ordezkariek nabarmendu dutenez, begirada feminista lan eta analisi tresna gisa erabiltzen duten kazetarien eta hedabideen artean ikasitakoa elkarri ezagutarazteko espazio bat ahalbidetu nahi dute. "Lorpenak ospatzeko, baina baita ere egunerokoan topatzen ditugun erresistentziei aurre egiteko estrategiak pentsatzeko".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Endika Barrenetxea, Iñaki Ozkarizi zesta nola jarri erakusten, atzo, Galarretan. ©JON URBE / FOKU

«Zesta bat emango dizut»

Enekoitz Telleria Sarriegi

Galarretako erremonte eskolak ostiralero irekitzen ditu ateak modalitatea ezagutu eta lehen urratsak egin nahi dituztenentzat. Bi ikasle izan zituen atzo Endika Barrenetxeak.
1 ©ITSASO VELEZ DEL BURGO / EZEZAGUNA

Ezkutuko ehizari aurre egiteko

Ane Insausti Barandiaran

Pertsonen, armen eta drogen trafikoaren ondoren, urtero diru gehien mugitzen duen legez kanpoko jarduera da ezkutuko ehiza. Roberto Fraile eta David Beriain kazetariak horri buruzko dokumental bat egiten ari zirela hil zituzten.
 ©ANDONI CANELLADA / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna