BIHAR BERRIAN

Tik tok, nerabeen telefonoetan ate joka

Txinako aplikazioa da Tik Tok, nerabeen artean asko zabaldu dena; kantua eta dantza dira aplikazioaren oinarri. Aplikazio horren berri emango du bihar BERRIAk, 'Bizigiro' atalean, adituekin eta erabiltzaileekin hitz eginda.

Twin Melody bikotea.
Twin Melody bikotea. Andoni Canellada / Foku

Berria -

2019ko urriak 11

Indartsu sartu da Tik tok aplikazioa nerabeen telefonoetara. Ikus-entzunezko laburrak dira sare sozialaren ardatza, eta, ardatza izatearekin batera, arrakastaren oinarria: dantza eta kantuak zabaltzen dituzte gazteek. Txinan sortu arren, mugak gainditu, eta nazioartean azkar zabaldu da, eta, herrialde askotan, deskarga gehien izan zituen aplikazioa izan zen 2018. urtean. Aitana Etxeberria eta Paula Etxeberria ordiziarrek osatzen duten Twin Melody bikoteak 9,3 milioi jarraitzaile ditu Tik Tok sare sozialean; haiekin ere hitz egin du BERRIAk, bihar Bizigiro atalean publikatuko den erreportajerako.

Euskal Herriko Laborantza Ganberak martxan jarri duen proiektuaren berri ere emango du Bizigiro-k. Etxaldeen hustea geldiarazteko lanean ari da Laborantza Ganbera, eta, horretarako, diru bilketa kanpaina bat abiatu du.

Gastronomia atalean, Gasteizko Museo del Organo jatetxe begetarianoaren berri emango du; bazkide berrien gidaritzapean ireki berri dute. Sasoiko eta bertako produktu ekologikoen aldeko apustua egin dute.

Zinemari dagokionez, datorren astean zinema aretoetara iritsiko den Portrait de la jeune fille en feu filmaz hitz egingo du Gontzal Agotek. Cannesko Zinemaldian kritikak oso harrera ona egin zion XVIII. mendean girotutako dramari.

Mikel Yarza Artolak, berriz, Netflixek gaur estreinatu duen El Camino: A Breaking Bad Movie-ren kritika egingo du.

Asteburuari begirako planak ere argitaratuko ditu Bizigiro-k: igandean, Xalbador Eguna ospatuko dute Urepelen (Nafarroa Beherea); Irungo Ficoban (Gipuzkoa), Harri-Orri-Ar eskulanen azoka izango da asteburuan; Bilbon, Jokotenia euskal bideo jokoen jardunaldia egingo dute bihar; Zornotzan, Mangamore jaialdia egingo dute asteburuan, Japoniako kultura eta manga ardatz hartuta; eta Leintz Gatzagan (Gipuzkoa), bestalde, Gatzaren Eguna egingo dute igandean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jendea maskararekin, Hendaiako tren geltokian. / ©Guillaume Fauveau

Leku publiko itxietan maskara erabiltzea baitezpadakoa izanen da Ipar Euskal Herrian

Ekhi Erremundegi Beloki

Jean Castex Frantziako lehen ministroak adierazi du heldu den astetik aitzina sartuko dela indarrean neurria Frantzian eta Ipar Euskal Herrian. Frantzia iparraldean eta Paris ingurunean foku gehiago agertu dira azken asteetan.

Nekane Murga jarduneko Osasun sailburua agerraldi batean. ©David Aguilar

80 kasu gehiago agertu dira Hego Euskal Herrian

Andoni Rekondo Izagirre - Joxerra Senar

Azken 24 ordutan 58 kasu agertu dira Araban, Bizkaian eta Gipuzkoan, eta beste 22  Nafarroan. Beste pertsona bat hil da COVID-19aren ondorioz

Iruñeko Carlos III etorbidean, jendea maskara eramanez. Erabilera orokortzen ari bada ere, joera hori areagotzea bilatzen du administrazioak. / ©IÑIGO URIZ /FOKU

Kalean ere, maskararekin

Joxerra Senar

Maskara erabili behar da toki irekietan eta itxietan: gaurtik aurrera Araban, Bizkaian eta Gipuzkoan; bihartik Nafarroan. Hegoaldean, 80 kasu agertu dira, eta birusaren aurrean erne egotera dei egin dute.

Herritar bat maskara jantzita duela, artxiboko irudian. ©Luis Jauregialtzo, FOKU

Larunbatetik aitzinera maskara derrigorrezkoa izango da Trebiñun

Ainhoa Larretxea Agirre

Sei urtetik gorako herritarrek derrigorrez erabili beharko dute maskara leku ireki zein itxietan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna