'Brexit'-a

'Brexit'-ari buruzko akordioaren bozketa atzeratu du parlamentuak

Johnsonek iragarri du datorren astean bozkatzeko asmoa duela irteera ahalbidetuko duen araudia eta akordioa bera, brexit-aren data atzeratu beharrik ez izateko. Oposizioak ohartarazi dio berehala hitz egin behar dutela Bruselarekin, akordioak aurrera egingo ez balu, data atzeratzeko.

Boris Johnson lehen ministroa Komunen Ganberako eztabaidan. /
Boris Johnson lehen ministroa Komunen Ganberako eztabaidan. / Jessica Taylor/EFE

Arantxa Elizegi Egilegor -

2019ko urriak 19

Komunen Ganberak hartu du erabakia, eta Boris Johnson lehen ministroari dagokio orain Bruselara itzuli eta brexit-erako data atzeratzeko eskatzea. Izan ere, gaur onartu duten emendakinaren arabera, akordioa bera bozkatu aurretik, hura indarrean sartu ahal izateko araudia onartu behar dute. "Ez dut atzeratzerik negoziatuko EBrekin, eta legeak ere ez nau horretara behartzen", erantzun dio gobernuburuak parlamentuari.

Urriaren 31rako Bruselaren eta Londresen arteko hitzarmena oraindik onartu ez badute, erabakiaren helburua litzateke hura atzeratu ahal izatea, akordiorik gabe irten beharrik ez izateko. Ordea, Johnsonen asmoa da datorren astean bozkatzea brexit-a ahalbidetuko duen araudia, eta haren ostean akordioari buruz eztabaidatzea, era horretan irteera data atzeratu beharrik ez izateko.

Berez, baina, gaur gauerdira arteko epea luke lehen ministroak Bruselarekin hitz egiteko. SNPko buru Ian Blackfordek ohartarazi dio Johnsoni ezin duela araudia parlamentuan aurkeztu, aurrez Bruselarekin hitz egin gabe. "Gaur hemen bozkatu den emendakinak argi uzten du Erresuma Batua ezin dela kolpetik irten EBtik".

Komunen Ganberan eztabaidan ari ziren bitartean, kanpoaldean dozenaka lagun bildu dira azken akordioari buruzko beste erreferendum bat eskatzeko. People's Vote plataformak antolatutako martxak eskatzen du herritarrek azken akordioari buruz erabakitzeko aukera bat izan dezatela. Horiek hala, parlamentuaren erabakia txaloka hartu dute manifestariek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna