Noiz sortua: 2019-10-21 11:40:28

Enpresak

Siemens Gamesak Senvionen aktiboak erosi ditu, tartean Portugalgo pala fabrika

Sindikatuak kezkatuta daude erosketarekin, Siemens Gamesak Portugalen erosi berri duen lantegira eraman dezakeelako beste fabriketako ekoizpena. Siemens Gamesak Agoitzen (Nafarroa) pala fabrika bat du.

Siemens Gamesak Agoitzen duen lantegiko irudia.
Siemens Gamesak Agoitzen duen lantegiko irudia. Iñaki Porto / EFE

Irune Lasa -

2019ko urriak 21

Siemens Gamesa berriztagarrien fabrikatzaileak Alemaniako Senvion taldearen zati garrantzitsu bat erosi du, guztira 350 milioi euro hartuko dituen operazioan. Senvion kiebra jota zegoen, eta haren arduradunak saiatu ziren taldea bere osotasunean saltzen. Xede hori ezin lortuta, alemaniarrak Siemens Gamesarekin negoziazioetan hasi ziren, ea egoitza Zamudion (Bizkaia) duen taldeak erosten zuen energia eolikoaren alorra. Gaur, akordioa itxi dute bi aldeek.

Siemens Gamesaren esku geldituko dira orain Senvionen onshore zerbitzuen 8,9 gigawatteko negozioa, eta jabetza intelektual guztia. Horrekin batera, Zamudioko taldearena izango da orain Ria Blades konpainiaren jabetza, eta ondorioz, Vagos-eko (Portugal) haize erroten lantegia. 2010ean altxatako fabrika oso handia da, eta hamahiru kilometrora berarentzako propio eraikitako itsas portua du. Salerosketa akordioaren arabera, Senvioneko 2.000 langiletik gora orain Siemens Gamesakoak izango dira.

Zamudioko taldeak agiri batean adierazi du Vagosko lantegia Europako lehiakorrenetako bat dela. "Instalazio horrek Siemens Gamesaren balio kate industriala sendotuko du, eta Asiako hornitzaileekiko menpekotasuna arindu, egungo gerra komertzialek piztutako aldakortasunarekiko esposizioa murriztuz. Lantegi honek Siemens Gamesaren egungo ahalmena osatzen du merkatuan iragarritako eskaria gogobetetzeko".

Kezka

Negoziazioen berri jakin zuten bezain pronto zabaldu zen kezka Siemens Gamesak penintsulan —Espainian eta Euskal Herrian— dituen pala lantegietan. Sindikatuak eta langileak beldur dira euren lantegietako ekoizpenaren —eta enpleguaren— zati handi bat Portugalera eramango ez ote duen Siemens Gamesak. Agoitzen (Nafarroa) haize errotentzako pala fabrika bat du Siemens Gamesak.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

ENDIKA PORTILLO / FOKU ©Lehen arretako profesionalen protesta bat, iaz, Gasteizen.

Hildako bat eta 15 kutsatu gehiago izan dira, datu ofizialen arabera

Ane Eslava

Egoera «kontrolpean» dagoen arren, «zuhurtzia» eskatu du Nekane Murga Jaurlaritzaren Osasun sailburuak. Nafarroan ez da kasu berririk egon. Lehen arretako langileek protesta egin dute Bilbon.

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna