Albistea entzun

Arrauna

Maialen Arrazola izango da Donostiarrako emakumezkoen traineruko entrenatzailea

San Juan talde historikoan taldekide izan ziren bederatzi arraunlari berriz elkartuko dira: Arrazola bera, Irati Larrañaga, Oihana Cereijo, Maria Mendizabal, Ioana Alijostes eta Andrea Oubiña batuko zaizkie lehendik taldean dauden Inder Paredes, Laura Goldarazena eta Irene Arbeori.

Juan Carlos Ruiz/ FOKU

Aitor Manterola -

2019ko urriak 24

Donostiarrako emakumezkoen traineruak entrenatzaile berria dauka, eta Maialen Arrazola da. Donostiar arraunlariak hiriko bi taldeetako baten ardura hartuko du —arraunean ere egingo du—, duela bi urtetik arrauneko lehia utzita egon ondoren. San Juanen itxi zuen orduko ibilbidea, eta, hain zuzen, talde hartan taldekide izandako beste zortzi arraunlari erakarri ditu egitasmo berri honetara:  Irati Larrañaga, Oihana Cereijo, Maria Mendizabal, Ioana Alijostes eta Andrea Oubiña dira berrikuntzak, eta lehendik daude taldean Inder Paredes, Laura Goldarazena eta Irene Arbeo. 

"Talde gaztea da, eta gazte horiek arraunlari handi bihurtu nahi ditugu. Horretarako ekarri ditut San Juandik nire konfiantzazko arraunlari horiek guztiak". Zuzendaritzak taldea "lehiakorrago" izatea nahi du, gaur arratsaldeko agerraldian Alberto Lopez presidenteak azaldu duenez. Taldea utziko dute Belen Garciak eta Nagore Arrutik.

Gizonezkoen bi taldeetako entrenatzaileen berri ere eman du klubak gaur, arraunlari berrien izenak eta taldea utziko dutenenak aipatzeaz gain. A taldean, Igor Makazagak laugarren sasoia beteko du, eta "aurtengoa baino orekatuagoa eta osoagoa izango da taldea. Gauza handiak egingo ditugula sentitzen dut". Arraunlari berriak ondorengo hauek dira: Iban Berdugo eta Iñaki Urtubia (Ondarroa), Endika Lopez (Hondarribia), Iñaki Arrieta (taldera itzuliko da), Mikel Iradi (B taldekoa) eta Joseba Larrarte (Zierbena). Koxme Burutaran aulki mugikorreko arraunlaria tostako arraunean hastekoa da, gainera. Jarraituko ez dutenak Ibon Basterretxea, Iñigo Collazo, Alain Osanbela (Hondarribia) eta Hegoi Intxauspe dira. 

Intxauspe izango da, hain zuzen, B taldeko entrenatzaile berria, Rufo Urtizbereak utzi egin behar izan duelako KAE 1eko taldea, lan kontuengatik. Harrobiko arraunlari gazteenekin segituko du lanean, hala ere. 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Osasunako jokalariak, <em>Chimy</em> Avila-k Vila-reali sartutako gola ospatzen. ©DOMENECH CASTELLO / EFE

Denak bat eginik, gorabidean

Eñaut Agirrebengoa

Osasuna bosgarren postuan iritsiko da Lehen Mailako hamargarren jardunaldira, hasiera itzela osatu eta gero. Miguel Flañoren ustez, oraingo emaitzak azken urteetan hartutako ildoaren segida dira: «Oso egina dago taldea». Gorritxoek onbidean jarraitu nahi dute gaur, Sadarren Granadari irabazita.
Isak gola ospatzen, atzo, Sturm Grazen aurkako neurketan. ©CHRISTIAN BRUNA / EFE

Berdinketak on egin ditu

Jone Bastida Alzuru

Realak irabazi egin du Sturm Grazen aurkako partida: 0-1 gailendu da. Isakek sartu du lehiako gol bakarra, bigarren zatian
 ©SEDIS BASQUET

«Momentuaz gozatzen ari naiz»

Jone Bastida Alzuru

Estatistikek erakusten dute Etxarri sasoi hasiera aparta egiten ari dela: Espainiako Lehen Mailako saskiratzaile nagusia da, partidako batez beste 19,2 puntu bilduta. Hazten segitu nahi du.
Realeko jokalariak Isakek sartutako gola ospatzen. ©CHRISTIAN BRUNA / EFE

Realak 0-1 irabazi du Sturm Grazen aurka

Jone Bastida Alzuru

Isakek sartu du lehiako gol bakarra, bigarren zatian

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.