Albistea entzun

Errugbia

Hegoafrika, hirugarrenez munduko txapeldun

Ondo merezita irabazi dio Ingalaterrari finalean (32-12). Aurkariaren huts asko eragin ditu defentsari esker, eta ondo baliatu ditu

Siya Kolisi Hegoafrikako selekzioko kapitaina Munduko Kopako trofeoa altxatzen.
Siya Kolisi Hegoafrikako selekzioko kapitaina Munduko Kopako trofeoa altxatzen. MARK R. CRISTINO / EFE

Imanol Magro Eizmendi -

2019ko azaroak 2

Siya Kolisik atal propioa izango du Hegoafrikako errugbiaren historian. Webb Ellis Kopa altxatu duen bere herrialdeko selekzioko lehen kapitain beltza izan da. Ondo merezita altxatu, gainera, Hegoafrikak 32-12 irabazi baitio Ingalaterrari finalean, eta Munduko Kopan zehar eginiko behetik gorako bidea —lehen fasean partida bat galdu zuen Zeelanda Berriaren aurka— borobildu du.  

Hegoafrikak defentsari esker irabazi dio Ingalaterrari, Yokohamako (Japonia) estadioa bete duten 71.000 ikusleen aurrean. Talde sendo eta argia du Hegoafrikak, eta ondo eragin ditu aurkariaren hutsak. Lehen hemezortzi puntuak zigor kolpeen bitartez lortu ditu, eta, aleka-aleka, tartea irekiz joan da. Finaleko lehen zatia oso taktikoa izan da, eta Hegoafrika 6-12 iritsi da aurretik atsedenaldira. Handre Pollarden zangoa izan da tarte hori irekitzearen arduraduna.

Bigarren zatiaren hasieran traza bera izan du. Txapelketan egon diren bi aurrelari multzo onenek talka egin dute. Bigarren zatiko lehen ordu laurdenean bost zigor kolpe egon dira, eta Hegoafrikak aldeari eutsi dio (12-18, 59. min). Tarte askotan finalak xake partida itxura izan du, eta Hegoafrikari komeni zitzaion, emaitza alde zuelako. Errenta horrek lasaiago jokatzen utzi dio, eta horri esker lortu lehen entsegua (12-25, 66. min). Jokaldi polita kateatu ezker aldetik, eta, azkenean, Makazole Mapimpi hegalekoak ezarri du baloia Ingalaterraren eremuan.

Hor bukatu da finala. Hegoafrikak jokoa kontrolpean zuen, eta Ingalaterra etsita zegoen. Txapeldunek ondo baliatu dute egoera beste entsegu bat egiteko. Chelsin Kolbek lortu du (12-32, 74. min). Hegoafrikak, horrenbestez, 12 urtez behin txapeldun izatearen ohiturari eutsi dio, aurreko Kopak 1995ean eta 2007an irabazi baitzituen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Iñaki Artola, gaur bere erabakia jakinarazi aurretik. / ©Jaizki Fontaneda, Foku

Artolak ez du finala jokatuko

Julen Etxeberria

Ez da garaiz osatu, eta uko egin dio igandean buruz buruko finala jokatzeari, jokatuz gero min handiagoa hartzeko arrisku handia legokelako. Beñat Rezusta ariko da haren ordez, Jokin Altunaren aurka.

Gehiago daukanak irabazi du

Gehiago daukanak irabazi du

Aitor Manterola Garate

Frantziak Alemaniari irabazi dio F multzoko partidan (1-0). Bere atean egin du gola Hummelsek. Garaileak aurrean trebezia handia erakutsi du

Sortu duena berandu sartuz irabazi du Portugalek

Sortu duena berandu sartuz irabazi du Portugalek

Aitor Manterola Garate

Hungaria azpiratu du Budapesten (0-3), F multzoan. Guerreirok 84. minutuan sartu du lehenengoa, eta beste biak Cristiano Ronaldok gero

 ©LEIOA WATERPOLOA

«Atzetik datozenei lekua uzteko garaia iritsi zaidala uste dut»

Mikel O. Iribar

Cobosek waterpoloa utziko du, 12 denboraldiz jarraian Leioan aritu eta gero. Taldekide gazteen eredu eta akuilu izan da. «Lasai eta pozik noa».

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.