Albistea entzun

Lan gatazka

Bizkaiko metaleko sindikatuak prest daude konpainia handiak "blokeatzeko"

FVEM patronalari "negoziatzeko borondaterik eza" egotzi diote ELA, LAB, CCOO, UGT, ESK, CGT, USO eta CNT sindikatuek.

Metaleko langileen greba egun bateko protestak, Bilbon.
Metaleko langileen greba egun bateko protestak, Bilbon. MONIKA DEL VALLE / FOKU

Xabier Martin -

2019ko azaroak 5 16:11

Sidenor, Arteche, ITP eta Aceros Olarra konpainiei mezu argia eman diete gaur Bizkaiko metalgintzako itunaren alde protestan dauden sindikatuek, sektoreko denek alegia: "Metaleko ituna blokeatzen jarraitzen badute", sindikatuek konpainia horiek "blokeatuko" dituzte. Ostegun honetan aldeek duten negoziazio mahaia bildu aurretik, auto karabanak egin dituzte sindikatuek, FVEM patronalari "borrokan" jarraitzen dutela gogorarazteko

Sidenor eta Arteche enpresetatik abiatu dira goizean auto karabana bi, eta Aceros Olarraren sarreran egin dute bat. Hantxe irakurri dute ELA, LAB, CCOO, UGT, ESK, USO, CGT eta CNT sindikatuek aldez aurretik adostutako mezua: patronalak eta enpresek "bahiturik" dute metalgintzako hitzarmena. "Ozen eta argi esaten dugu borrokan segituko dugula Bizkaiko metaleko itun duin bat lortu arte".

Sindikatuek beren "haserrea" adierazi dute, ez dakitelako FVEMen estrategia zein den, baina lortzen ari delako sindikatuak "oso haserre" jartzea. Salatu dute negoziazio mahaiko azken bileran patronalak beste aukera bat galdu zuela "negoziazio prozesu serio bati ekiteko". Sektoreko azken greba izan zela hilabete joan delarik, "patronalak mahaira ekarri du proposamen bat atzera egiten duena gaixo baimenen esparruan eta malgutasunean", esan dute sindikatuek. Salatu dute soldaten "igoera txiki bat" baizik ez duela mahairatu.

Enpresa handiak

Bizkaiko metalgintzako sindikatuek argi dute "neurri handiko konpainia gutxi batzuek" erabaki ahalmen handia dutela itunaren inguruan. ITP, Aceros Olarra, Sidenor eta Arteche aipatu dituzte; "eta beste hainbat ere badira bahiturik dutenak sektoreko hitzarmena". Horiek horrela, Olarraren, ITPren eta Artecheren irabazien eta dibidenduen berri eman dute. "Konpainia horietan emakumeen kontratazioa %7 eta %15 artekoa da". Sidenorrek 30 enpresa azpikontratatzen dituela ere azaldu dute, eta horrek 400 langile azpikontratatu edukitzea dakarrela. Konpainia horietan %10ekoa da behin-behinekotasun tasa, sindikatuen arabera.

"Horrek guztiak erakusten du prekaritatea sustatzen dutela, patrikak betetzen dituztela eta, aldi berean, beren fabriketako langileei lan baldintza duin batzuk galarazten dizkietela". Horregatik, ohar zuzena egin diete konpainia horiei: ez dute onartuko enpresa horiek ituna blokeatzea. "Zuek hitzarmena blokeatzen baduzue, Bizkaiko metaleko langileok zuen enpresak blokeatuko ditugu".

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Adegiko ordezkariak, gaurko prentsaurrekoan. ©FOKU

Lehengaien eta energiaren prezio handiak dira Gipuzkoako enpresen kezka nagusi

Iñaut Matauko Rada

2023an Gipuzkoako ekonomia %0,5 eta %2 artean handituko dela aurreikusten du Adegik. Enpleguaren inguruko datuak pandemiaren aurrekoak baino hobeak direla gehitu dute.

Lan merkatuan ere nabaritu da urtarrileko aldapa

Lan merkatuan ere nabaritu da urtarrileko aldapa

Jokin Sagarzazu

Lanbidek eta Lansarek abenduan baino 2.495 langabe gehiago erregistratu dituzte, ia denak emakumeak. Gizarte Segurantzak 12.237 afiliatu galdu ditu hilabete batetik bestera

Sindikatuen banderak Hezkuntzako langileen manifestazio batean, iragan azaroan. ©Marisol Ramirez / Foku

ELA garaile hauteskundeetan, azken urtean indarra galdu arren

Iker Aranburu

Mitxel Lakuntzaren sindikatuak Hego Euskal Herriko ordezkaritzaren %36,08 dauka. Oso atzean ditu CCOO (%19,99) eta LAB (%18,95), baina LAB da 2018ko azken epealdi trinkotik ordezkaritza handitu duen bakarra.

Christine Lagarde EBZko presidentea, gaur. ©FRIEDEMANN VOGEL / Efe

EBZk %3ra igo ditu interesak, eta martxoan %3,5era iristeko asmoa du

Iker Aranburu

Eurogunea atzeraldian ez sartzeak eta inflazioa jaisteak ez du banku zentrala iragarritako bidetik atera. Interes tasak mugatik «urrun» daudela esan du Lagardek

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.