Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Enplegua

"Iruzurra" frogatu arren, legezkotzat jo dute Artiacheko langile baten kaleratzea

LABek emakume langileen egoera salatu du, Orozkoko enpresako kaleratzeen harira: "Eskubide osoko langileak gara. Ez ditugu mehatxuak onartzen; eskubideak exijitzen ditugu"

LABeko kideen agerraldia, gaur; tartean dira Idazkaritza Feministakoak ere.
LABeko kideen agerraldia, gaur; tartean dira Idazkaritza Feministakoak ere. LAB sindikatua

Hodei Iruretagoiena -

2019ko azaroak 5

Bilboko auzitegi batek ebatzi du legezkoa dela Artiach enpresak egindako sei kaleratzeetako bat, emakume langile batena. LAB sindikatuak zazpi kasurengatik salatu zuen Orozkoko (Bizkaia) enpresa, aldi baterako kontratatutako langileen kopuru handiagatik. Horietako batean, epaileek argudiatu dute aldi baterako enpresen bidez ari diren beharginak, gehienezko 180 egunak bete ondoren, lan egoera "pasiboan" geratzen direla, eta, beraz, ez dagokiela kontratu mugagaberik. Alegia, urteetan Artiach enpresarentzat aritu arren, hark ez diela kontratu mugagaberik egin beharrik egoera horretan daudenei.

Frogatutako gertaeren atalean jaso dute epaileek argudio hori. LABen hitzetan, "frogatutako gertaera da langileek lanik egin gabeko denboraldiak egiten dituztela, enpresak lege mugei izkin egiteko eta kontratu mugagabeak saihesteko, nahiz eta egiturazko lanpostuak izan". Hau da, 180 eguneko muga hori berez "iruzurra saihesteko" neurri bat izan arren, benetan "justu arau hori" da beharginak babesik gabe uzten dituena.

Bigarren kaleratzea, berriz, legez kanpokotzat jo dute epaileek. "Egoera berean dauden bi langileek ez dute trataera berbera jaso, eta iruzurra gauzatzeko erabiltzen den forma bera da arrazoia", salatu du LABek.

Manifestazioa, hilaren 14an

Emakumeak dira kaleratutako langileak. Hala ohartarazi dute sindikatuko kideek, tartean Idazkaritza Feministakoak: "Eskubide osoko langileak gara, eta ez dugu onartuko kaleratze mehatxuarekin erantzutea eskubideak aldarrikatzen ditugun bakoitzean. Ez ditugu mehatxuak onartzen; eskubideak exijitzen ditugu".

Langile klasearen lan eta bizi baldintzen alde "batu eta borrokatu" beharra dagoela adierazi dute, eta mozio baten bidez ari dira elkartasun hori lantzen eskualdeko enpresetan. Hilaren 14an manifestazioa egingo dute: 19:00etan, Laudion (Araba).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Miarritzeko Enplegu Zerbitzu Publikoa, artxiboko irudi batean. ©BOB EDME

Langabe saria lortzeko baldintzak zorroztu dituzte Iparraldean

Oihana Teyseyre Koskarat

Lan egin beharreko gutxieneko epea luzatu du Frantziako Gobernuak, eta saria apalagoa izanen da. Sindikatuek salatu dutenez, «prekarioenak prekarioago» eginen ditu
Tabernari bat bere negozioko kutxa elektrikoa erabiltzen. ©ARITZ LOIOLA / FOKU

Sanchezek argindarren promesari eutsi arren, kontuak ez dira ateratzen

Xabier Martin

Azaroan %68 igo da argindarra, eta Espainiako Gobernuaren 2018ko prezioen promesa urrunago dago. Adituek diote «ezinezkoa» dela.

Astearte honetan Ondarroan eginiko manifestazioa ©CCOO

Ia erabateko erantzuna izan du Bizkaiko arrain kontserbetako grebak

Jokin Sagarzazu

Soldata eta lan baldintza «duinak» eskatzen ari dira, baina salatu dute patronalak blokeatu egin dituela lan hitzarmena berritzeko negoziazioak. Mila langile inguru ditu sektoreak, gehien-gehienak emakumeak.

Jon Ander de las Fuentes Guuk-eko presidentea eta Juanan Goñi kontseilari ordezkaria. ©MARISOL RAMIREZ / FOKU

Guuk konpainia osorik erosi du Masmovilek

Xabier Martin

Telekomunikazioko euskal konpainia horren %40 beste akziodunen esku zegoen, eta zati hori bereganatu du orain.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.