Hondarribiak zehaztuta dauka datorren denboraldiko taldea, eta, aurtengoarekin alderatuta, aldaketak izango dira. Taldea eta arrauna utzi dutenak Gonzalo Carrion, Iñigo Bertiz, Gorka Egiazu eta Meltxor Amunarriz dira; Endika Lopez Donostiarrara joan da, eta Adrian Gonzalez Santutzira.
Zulo horiek betetzeko, lau arraunlari hauek izango dira berrikuntzak: Alain Osanbela eta Julen Fernandez (Donostiarra), Gaizka Gorostiaga (Getaria) eta Battit Ondikola (Lapurdi).
Datorren astelehenean hasiko dira entrenamenduetan Mikel Orbañanosen aginduetara.