Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Enpresak

ITPk planta bat zabaldu du Derion

Espainiako armadaren hegazkinen motorren hornitzaile nagusia da, eta horien zaintza lanaz arduratzen da. Iñigo Urkullu Jaurlaritzako lehendakaria eta Josep Pique ITPko presidentea izan dira ekitaldian.

Josep Pique ITPko presidentea eta Iñigo Urkullu Eusko Jaurlaritzako lehendakaria,enpresako langile batzuekin hizketan
Josep Pique ITPko presidentea eta Iñigo Urkullu Eusko Jaurlaritzako lehendakaria,enpresako langile batzuekin hizketan / Jon Bernardez (Foku)

Jokin Sagarzazu -

2019ko azaroak 13 16:07

ITP Aero enpresak 30 urte egin ditu, eta planta bat zabaldu du Bizkaiko Parke Teknologikoan, Derion. Jakinarazi dutenez, 14 milioi euroko kostua izango du azpiegitura berri horrek, eta hirurogei lanpostu sortuko dituzte. Guztira, 160 behargin arituko dira, enpresak hara eramango baititu Ugaldegurengo industrialdean (Zamudio, Bizkaia) duen plantako langileak.

Ekitaldian izan dira Iñigo Urkullu Eusko Jaurlaritzako lehendakaria eta Josep Pique ITPko presidentea —Espainiako Gobernuko ministro izandakoa, Jose Maria Aznarrekin (PP)— eta Carlos Alzola zuzendari nagusia.

Hegazkin motorrak eta horientzako osagaiak produzitzen ditu. Alor horretan, “munduko bederatzigarren enpresa” da, ITPk ohar batean azaldu duenez. Iaz, 880 milioi euroko fakturazioa izan zuen, eta 69 milioi euroren irabaziak izan zituen.

Gerra hegazkinak

Enpresaren salmenten %67k aeronautika zibilarekin daukate lotura, eta %18k, militarrarekin. Irabazien gainerako %15ak, mantentze lanekin eta laguntza teknikoarekin. Espainiako armadaren hegazkinen motorren hornitzaile nagusia da, eta horien zaintza lanaz arduratzen da.

1989. urtean sortu zuten ITP Aero, Eusko Jaurlaritzaren eta Espainiako Gobernuaren, eta Euskal Herriko Sener ingeniaritza enpresaren babesarekin, besteak beste. Eurofighter Typhoon gerra hegazkinaren motorra garatzeko nazioarteko programa baten harira sortu zuten. Hasierako akziodunen artean, Erresuma Batuko Rolls-Royce multinazionala geratzen da soilik.

Azkenengo urteetan, Mexikoko Queretaro hirian duen planta handitu du, eta Derioko lantegi berria sortu. Azkenengo horretan, motorretarako osagai batzuk produzituko ditu, eta, bereziki, motorren arkitekturarekin lotutako ingeniaritza lanak garatuko. Horretarako, teknologia propio bat garatu du: propultsio hibrido-elektrikoa duten hegazkinen motorrek izango dute lehentasuna, Carlos Alzola ITPko zuzendari nagusiak azaldu duenez . «Datozen urteetan, abiazio eraginkor eta iraunkor baten alde lan egingo dugu».

Trantsizio energetikoa

Inaugurazio ekitaldian, Urkullu lehendakariak azpimarratu du aeronautikaren industria aldaketa garai batean dagoela, «trantsizio teknologikoak, energetikoak eta ingurumenekoak» baldintzatua. Aldaketa horiei aurre egiteko deia egin die alor horretako enpresei, «motor eraginkorragoen eta garbiagoen, arinagoen eta isilagoen alde apustu egiteko».

Lehendakariak adierazi du Jaurlaritzak 2020. urterako aurreikusia duela 253 milioi euroko inbertsioa egitea 4.0 industriarako, enpresa txikietan eta ertainetan, eta 22 milioikoa Parke Teknologikoetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©RAUL BOGAJO / @FOKU

TRAKTOREAK, MOTORRAK BEROTZEN

Xabier Martin

Nekazari eta abeltzainak mobilizazioak prestatzen ari dira abendurako. Salatu dute ekoizpen kostuen garestitzeak etekinik gabe utzi dituela, eta Eguberrien atarian berriro gizarteratuko dute «marra gorri guztiak» gainditu direla.

 ©BERRIA

«Kontsumoa apalduko ote den beldur dira saltoki handiak»

Xabier Martin

Egañak dio janariaren sektorea apala dela Hego Euskal Herrian, eta kalitatearen bidez lehiatu behar dela, kontakizun egokiak sortuz, «neurrian eta prezioan» ez duelako zer eginik.

 ©ARITZ LOIOLA / FOKU
Europako Batzordearen egoitza, Bruselan. ©OLIVIER HOSLET / EFE

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.