Osasuna 1-2 Athletic

Athleticek eten du Osasunaren bolada on eta luzea Sadarren

Nafarrek 31 partida zeramatzaten zaleen aurrean galdu gabe, baina ezin izan dute gehiago luzatu, Athletic eraginkorragoa izan baita atean, Williams eta Kodroren golekin. Zuri-gorriek etxetik kanpoko lehen garaipena dute denboraldi honetan.

Williams Athleticen lehen gola sartzen, gaur Sadarren.
Williams Athleticen lehen gola sartzen, gaur Sadarren. EFE

Aitor Manterola -

2019ko azaroak 24

Athleticek irabazi du Sadarreko derbia, 1-2 nagusitu baitzaio Osasunari. Gaizka Garitanoren taldeak etxetik kanpoko lehen garaipena du denboraldi honetan. Jagoba Arrasaterenek, aldiz, zaleen aurrean aspaldi izan zuten zapore garratzarekin amaitu dute, Osasuna 2018ko apirilaren 1etik baitzegoen etxean partidarik galdu gabe: 31 partida iraun du bolada on luzeak. 

Lehen zatian hobeto aritu dira zuri-gorriak. Garitanok ezustea eman du hamaikakoan, Oihan Sancet ipinita punta-erdi lanetan, eta nafar gazteak min handia egin dio Osasunaren defentsako lanari. Etxeko erdiko bi atzelarien eta bi euskarrien leku onak hartu ditu askotan, eta, hortik, aukera izan du Williamsen abiadurarekin batera egiteko kanpotarren erasoko jokoak, etxekoen atzeko lerroa aurreratuta zebilela baliatuz. 

Horrelako jokaldi batean, gola sartu du Raul Garciak, zortzigarren minutuan, baina jokoz kanpo zela ebatzi du VARak. Gailu berri horrek ez du lanik eduki handik gutxira, Athleticen lehen golean; Williamesek ondo baliatu du Sanceten pasea, 0-1ekoa sartzeko 21. minutuan. Etxeko taldea ez zebilen eroso, betiko jokoa egin ezinda. Hala ere, Athleticek ez du baliatu aldeko haizea, eta, lehen zatiaren azkenera, Unai Simonek hiru geldiketa on egin behar izan ditu emaitzari eusteko. 

Aldagelatik bueltan, Osasuna betikoa izan da, eta gailendu egin zaio kanpoko taldeari. Erosotasuna taldez aldatu da, eta Arrasaterenak nagusituz joan dira. Horri esker, aukerak sortzen hasi da, baina ez du berdinketa lortu 76. minutura arte. Chimy Avila aurrelari argentinarrak aurrea hartu dio Yuriri area barruan, eta ondo astindu du, baloia sarera botatzeko. Ematen zuen azkeneko minutuak etxekoen aldekoak izaten jarraituko zutela, baina, handik hiru minutura, zelai erditik ateratako falta batean, Kodrok ondo baliatu ditu Osasunakoen biguntasuna, zalantzak eta hutsak, eta irabazteko gola eman dio bere taldeari. 

Partida amaitu artean, Osasuna saiatu da berdinketa lortzen, baina sortutako aukera apurretan ez du asmatu, eta Athleticek, kontraerasoan, hirugarrena sartzeko aukera izan du, Williamsen bidez. 

Horrenbestez, duela hirurogei urte San Juan zelaian gertatu zen egoera bera gertatu da gaur Sadarren: orduan ere Athleticek hautsi zuen Osasunaren etxeko bolada on luzea.

 

FITXA

Osasuna  1 : S. Herrera; Lillo, David GarcIa, Roncaglia,
Estupiñan; Roberto Torres, Brasanac (iñigo Pérez, 78.min.), Merida, Ruben
Garcia (Cardona, 71. min.); Juan Villar (Adrian, 71. min.) eta Chimy Avila.

Athletic  2: Unai Simon; Capa, Yeray, Iñigo Martínez, Yuri; Unai
Lopez (San Jose, 64.min.), Dani Garcia; Raul Garcia (Kodro, 45. min.),
Sancet (Sancet, 74. min.), Cordoba; eta Williams.

Golak: 0-1: Williamsek (20. min.), 1-1: Chimy Avilak (76. min.), 1-2:
Kodrok (79. min.).

Epailea: Sánchez Martínez. Txartel horiak Osasunako Chimy Avila, Darko Brasanac, Ruben Garcia eta Lillori; eta Athleticeko Cordoba, Williams eta Yuriri.

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna