Klima larrialdia

Eusko Legebiltzarrak uko egin dio klima aldaketarako udalentzako funtsa lehenbailehen osatzeari

EH Bilduk nahi zuen datozen aurrekontuetan jasotzea klima larrialdiari aurre egiteko Jasangarritasun Energetikoaren Legean tokiko administrazioentzat aurreikusitako funtsa, baina Eusko Legebiltzarrak baztertu egin du eskaria, EAJren eta PSE-EEren aurkako bozekin, eta Elkarrekin Podemosen eta PPren abstentzioarekin.

Mikel Otero EH Bilduko legebiltzarkidea, gaur Legebiltzarrean.
Mikel Otero EH Bilduko legebiltzarkidea, gaur Legebiltzarrean. Juanan Ruiz / Foku

Irune Lasa -

2019ko azaroak 28

«Ni engainatu nauzue, gu engainatu gaituzue; ikusi da, errazak ginen engainatzen. Baina uste dut ez zaretela konturatzen, gu engainatzearekin batera, guztiok goazela pikutara klima larrialdiari behar bezala aurre egiten ez badiogu». Mikel Otero EH Bilduko legebiltzarkidea otsailean onartutako Jasangarritasun Energetikoaren Legeaz ari zen gaur goizean Eusko Legebiltzarrean. Azaldu du nola lege horretan funts bat aurreikusten den —100 milioi euro gutxienez— tokiko administrazioei laguntzeko klima larrialdi aurre egiteko neurriak hartzerakoan. Baina funts horren aipamenik ez da agertzen Jaurlaritzak 2020rako aurkeztutako aurrekontu proposamenean, zeina orain negoziatzen ari diren.

Horregatik, EH Bilduk mozioa aurkeztu du legebiltzarrak Jaurlaritza behar dezan 100 milioi horiek aurrekontuetan sartzera. Baina legebiltzarrak baztertu egin du eskaria, EAJren eta PSE-EEren kontrako botoekin, eta Elkarrekin Podemosen eta PPren abstentzioarekin. EH Bilduko Oterok bereziki gaitzetsi du Elkarrekin Podemosen ezezko botoa, Jaurlaritzarekin aurrekontuak negoziatzen dabilelako «irentsi behar dituenak» aipatuta.

Elkarrekin Podemosek berak ere aurkeztu du zuzenketa bat funtsa aurrekontuetan sartzeko, kopururik eta eperik zehaztu gabe. Mozio hori ere baztertu egin du Eusko Legebiltzarrak. Jose Ramon Becerraren ustez, «ez da erraza» funts hori sortzea, eta «beharbada urte bereizietan osa daiteke».

Beste bozketa bat ere izan da gaiaren inguruan, EAJk eta PSE-EEk aurkeztutakoa, zeinean Jaurlaritzari eskatzen zitzaion udalentzako finantza tresna hori osatzeko: hori bai, aurrekontuak aipatu gabe. Proposamenak aldeko eta kontrako boto kopuru bera jaso du, eta, ondorioz, zuzenketa atzera berriz bozkatuko da hurrengo osoko bilkuran.

EAJko Unai Grajales legebiltzarkidearen arabera, «udalek jasoko dute dagokiena», legeak hala aurreikusten duelako, baina ez dago zertan funtsa aurrekontuetan jaso. PSE-EEko Natalia Rojok azaldu du Jaurlaritza hasia dela lanean finantza tresna hori prestatzeko.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

18 kasatzeman dituzt azken ordueta Zangozan. ©Iñigo Uriz/FOKU

Beste neurri batzuk hartuko dituzte Zangozan

Berria

Azken orduetan, 18 positibo atzeman dituzte han. Hego Euskal Herrian, 234 positibo izan dira.

Karpak jarri dituzt basurto ospitalearen kanpoaldean, PCR probak egiteko. ©Javier Zorrilla/EFE

PCR proba egitera deitu ditu Jaurlaritzak Bilboko Fever diskotekan eta Erandiogoikoko batzokian egon zirenak

Berria

Bihar goizean hasiko dira testak egiten. Diskotekarekin lotutakoei, Basurtuko ospitalean, eta batzokian izandakoei, Urdulizkoan.

Kaltzda Zahar eguneko zenroa, Bizkaian. ©Marisol Ramirez/FOKU

Eguneko zentroak irekiko dituzte gaur Araban, Bizkaian eta Gipuzkoan

Berria

Zahar etxeetako murrizketek abuztuaren 9ra arte jarraituko dute indarrean.

Hiru pertsona maskara jantzita ©Jon Urbe / FOKU

Gazte Kontseiluak sare sozialetan kanpaina bat hasi du maskarak erabiltzera deitzeko

Aloña Beraza Peña

Bi bideo egin dituzte eta sare sozialetan, telebistan eta komunikabideetan zabalduko dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna