Albistea entzun

Greba Frantzian

Philippe Martinez (CGT): "Greba ez da gaur arratsean bukatuko"

Lehen datuen arabera, erantzun handia izan du grebak Frantzian.

JULIEN DE ROSA/EFE

Berria -

2019ko abenduak 5 16:45

Mobilizazio jendetsua izaten ari da Frantzian, Emmanuel Macron presidenteak ezarri nahi duen pentsioen erreformaren kontra. Barne ministerioak jakinarazi duenez, 245 protesta antolatu dituzte estatu guzian zehar, eta 30 bat herritan egin duten lehen kontaketaren arabera, 180.000 pertsona mobilizatu da jadaneko. Hiri handi batzuetan, istiluak izan dira polizia eta manifestarien artean. Paris hiriburuan 14:00etarako deitua zuten manifestaziora.

Frantziako Gobernuak eman dituen zenbakien arabera, funtzio publikoko agenteen %32,5ek egin dute greba gaur. Hezkuntza Ministerioaren arabera, eskolen %51 itxi dituzte, eta kolegio eta lizeoen %42. Baina garraioetan izanen du eragin gehien: Air Francek bertan behera utzi ditu barne hegaldien %30, eta Easyjet konpainiak 233 hegaldi ezeztatu ditu. SNCF tren konpainiaren arabera, AHT trenen %90 eta eskualdeko trenen %80 geldirik dira. Paris inguruetan ibiltzen den RATP sarean ere eragozpen handiak daude: 11 metro linea ezeztatu dituzte gaurko egunarentzat. Abenduaren 8a arte greban segitzea erabaki dute langileek.

1995eko protestak oroitu ditu batek baino gehiagok; hiru aste iraun zuen orduan pentsioen aldeko greba mugimenduak. Orain arteko datuek hein bereko mobilizazioa iradokitzen dute Frantzian. Philippe Martinez CGTko idazkari nagusia pozik agertu da mobilizazioaren hedadurarekin. “Gure helburua? Sinplea da: gobernuak orain arteko pentsio sistema hobetu eta sendotzea. Ez dugu inolaz ere erregimen berri baten beharrik”. Nabarmendu du bihar  08:30ean bilduko direla sindikatuak segidaz erabakitzeko. “Greba ez da gaur arratsean geldituko, erraten dizuet. Ikusiko dugu zer iristen zaigun gaur arratsaldean eginen dituzten langileen batzarretatik, eta horren araberan erabakiko dugu zer eginen dugun bihar, etzi eta ondoko astean”.

Yves Verrier Force Ouvriere sindikatuko idazkari nagusiak erran du ez dutela gibel eginen, eta mobilizazioak “behar duen denbora” iraunen duela abisatu du. “Gure helburua mugimendu hau luzatzea da, entzunak izan gaitezen. Mobilizazio egun bakar bat edo bi ez dira aski. Gobernuak ulertu behar du ez dugula gibel eginen. Puntutako pentsio sistema bakarra ezeztatzea eskatzen dugu”. Biharko intersindikaleko bilkuran, larunbatean greba segitzea proposatuko duela iragarri du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zentral eoliko bat Yanchengen (Txina). 2025. urtean Txinarena izango da munduko energia eskariaren heren bat. ©ALEX PLAVEVSKI / EFE

Hiru urte barru berriztagarriak izango dira munduko argindar iturri nagusia

Paulo Ostolaza

Ikatza gaindituko dute, IEA Nazioarteko Energia Agentziaren arabera. Datozen hiru urteetako eskariaren igoera ere energia berriztagarriekin eta nuklearrarekin aseko da ia erabat.

LAB sindikatuaren mobilzazioa, asteazken honetan ©Guillaume Fauveau

LABek pentsio sistema propioa aldarrikatu du

Berria

Manifestazioa egin du Hendaia eta Irun artean. Euskal Herriko alderdi politikoak deitu ditu Madrilen eta Parisen murrizketa gehiago ez onartzera. Frantziako sindikatu nagusiek beste mobilizazio egun bat antolatu dute hilaren 16rako.

Novaltiako eta Vulcanizados Zuloagako grebalariak protestan, Lan Ikuskaritzaren Bilboko egoitzaren atarian. ©ELA Bilbo

Enpresen «konplize» izatea egotzi diote Novaltiako eta Vulcanizados Zuloagako grebalariek Lan Ikuskaritzari

Iñaut Matauko Rada

Ikuskaritzaren egoitzaren atarian elkarretaratzea egin dute grebalariek. Greba eskubidea «etengabe» urratzen zaiela gogorarazi dute.

Javier Remirez Nafarroako Funtzio Publikoko kontseilaria. ©Iñigo Uriz / Foku

Nafarroako Gobernuak baztertu egin du bere langileei soldata gehiago igotzea

Iker Aranburu

«Baliabideak mugatuak dira», argudiatu du Javier Ramirez Funtzio Publikoko kontseilariak. Soldatak inflaziora parekatzea da hilaren 15eko grebaren eskakizunetako bat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.