Noiz sortua: 2019-12-13 13:47:45

Bihar Berria-n

Haurrei ipuinak kontatzearen garrantzia

Aspaldiko ohitura da etxeetan umeei ipuinak kontatzea. Ekintza garrantzitsua izan ohi da gurasoen eta seme-alaben arteko lotura estutzeko, umeek beren sentimenduak ulertzeko eta ondo pasatzeko. BERRIAk gai horri buruzko erreportaje bat kaleratuko du bihar, Bizigiro sailean.

Aita bat, semeari ipuina kontatzen.
Aita bat, semeari ipuina kontatzen. Beria Tamaina handiagoan ikusi

Jakes Goikoetxea -

2019ko abenduak 13

Ipuina bera baino gehiago, ipuina kontatzeko modua baino gehiago, ipuina kontatzeko espazioaren eta momentuaren garrantzia nabarmendu dute galdetutako hiru adituek: Maite Franko eta Pello Añorga ipuin kontalariek, eta Juan Carlos Alonso psikologo eta haur literaturan adituak. Hirurek ematen dituzte tailerrak eta prestakuntza saioak gurasoentzat eta irakasleentzat.

Ipuin kontaketa zaindu beharreko momentua dela diote. Intimoa izan behar duela, isila, kanpoko estimulurik gabea, konfiantzazkoa, goxoa. Baldintza egokiak lortuz gero, umearen eta helduaren konexioa sekulakoa izan daiteke. Era berean, Alonsok ipuin kontaketak eta haur literaturak umeengan duten eragin positiboak aipatu ditu. Hirurak dira ipuin klasikoak kontatzearen aldekoak.

Ipuinena ez da biharko Bizigiro saileko erreportaje bakarra, hurrengo urteko Euskarabenturari buruzkoa ere argitaratuko baita. Jada zabalik dago izena emateko epea. 120 gaztek aukera izango dute Euskal Herria alderik alde zeharkatzeko eta hobeto ezagutzeko. Interesa dutenek lan bat aurkeztu beharko dute.

Ohiko sailak ere izango dira. Zineman, Euskal Herriko areto gehienak hartuko dituen film bat aipatuko du Gontzal Agotek: Star Wars: The Rise of Skywalker. Gastronomian, txerri saiheskia labean prestatu du Kuko jatetxeko Iker Markinezek.

Eta astebururako planak nahi izanez gero, bost aukera: Olentzero Baionan, boilurraren azoka Orisoainen (Nafarroa), Homo Curiosus jardunaldia Bilbon, Stock Euskadi azoka Barakaldon (Bizkaia) eta Urnietako Adarrazpi baserrirako (Gipuzkoa) bisita gidatua, gaztagintzaren sekretuak ezagutzeko.

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna