Albistea entzun

Greba Ipar Euskal Herrian

Erretreten erreformaren kontrako protesta egin dute Baionan

Hirugarren greba eguna da gaurkoa. Goizean, zenbait grebalarik Baionako autobus zerbitzu publikoa blokeatu dute. CFDT sindikatuak bat egin du mobilizazioekin, lehen aldiz.

Manifestazio jendetsua egin dute Baionan.
Manifestazio jendetsua egin dute Baionan. Guillaume Fauveau

Oihana Teyseyre Koskarat -

2019ko abenduak 17 14:51

Hamahiru egun igaro dira Frantziako Gobernuak bultzatutako pentsioen erreformaren aurkako protestak hasi zirenetik. Jean Paul Delevoye pentsioetarako goi mandatariak dimisioa eman zuen atzo, hirugarren greba egunaren bezperan, asurantza munduarekin duen harremana argitara atera ondotik —Frantziako Gobernuko goi komisario izanik ere, beste dozena bat kargu zeuzkan egitura pribatuetan—. Hura zen Emmanuel Macronek pentsioen erreforma gidatzeko izendatutako pertsona. Sindikatu guztiek mobilizazioetara deitu dute gaurko Ipar Euskal Herrian eta Frantzian; CFDTk lehen aldiz egin du bat deialdiarekin.

Michel Larralde Baionako CFDTko idazkaria da: «Gobernuarekin izan dugun negoziazioa berriz irekitzea nahi dugu, urrunegi joan baitira erreformaren neurri batzuekin, hala nola adinaren kontuarekin». Larraldek ez daki zenbat denboraz segituko duen CFDT sindikatuak mobilizazioetan parte hartzen, «goizegi» baita, haren ustez. «Guk gobernuari ulertarazi nahi diogu karrikara ateraz gero indar harremana eraikitzen ahal dugula. CFDT sindikatuak badaki negoziatzen, baina Gobernua ez dugu gure burua zapaltzera utziko», esan du.

Manifestazioa egin dute Baionan, eta Hendaian ere (Lapurdi) manifestazioa eta elkarretaratzea egin dituzte herriko etxearen aurrean, Baionako protestara batu aitzin. Milaka pertsona elkartu dira Baionan; abenduaren 5az gero —lehen mobilizazio eguna— izan den manifestaziorik jendetsuena izan da.  Arratsaldean, langile grebalariek batzar bat egingo dute, protestekin nola jarraitu erabakitzeko. Dagoeneko iragarri dute osteguna izango dela hurrengo mobilizazio eta greba eguna.

Grebalariak goizean goizetik hasiak dira protestan Baionan: Aitzina gazte antolakundeko eta LAB, CGT eta Solidaires sindikatuetako kideek piketea osatu dute 05:30ean autobus geltokian, eta Chronoplus autobus zerbitzua geldiaraztea lortu dute. Zerbitzu horrek Angelu, Baiona eta Miarritze lotzen ditu; autobus zerbitzuak ez da ibili goizeko 10:30ak arte. Enedis elektrizitate eta gas enpresako langileek Miarritzeko zerga etxeko argindarra moztu dute goizean, eta argindarrik gabe segitzen du arratsalde honetan. Tren zerbitzua ere geldirik dago. Halere, SNCF tren konpainiak adierazi du Gabonetarako tren zerbitzu berezia jarriko dutela dagoeneko txartela erosia duten bidaiarientzat. Gaur, Miarritzeko aireportuan hiru hegaldi bertan behera geratu dira oraingoz. Biharko ekintza bat iragarri dute Hendaiako geltokian: Hendaia eta Paris arteko tren bakarra blokeatzera deitu dute, goizean.

 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

EAJko buru Andoni Ortuzar eta CEOEko buru Antonio Garamendi. ©LUIS TEJIDO / EFE

EAJk berretsi du ez duela abstentziora joko ez bada lan itunen lehentasuna aldatzen

Xabier Martin

EAJko presidente Andoni Ortuzarrek esan du ez dela egongo «abstentzio taktikorik» eta ez duela «pasatzen utziko»,  «sinplea eta erraza» delako erkidegoetako lan hitzarmenen nagusitasuna jasotzea erreforman. CCOOko buru Unai Sordok dio bi urte gelditzen direla legegintzaldian «aldaketak egiteko».

Ontzi bat Bilboko portuan sartzen ©Luis Jauregialtzo (Foku)

Esportazioak pandemia aurreko kopuruetara itzuli dira

Jokin Sagarzazu

Petrolio olio finduak, ontzigintza eta siderurgia nabarmentzen dira. Autogintzak ere gora egin du, Araban bereziki; Nafarroan, aldiz, behera.

Sidenorreko behargin bat, lanean, Basauriko fabrikan. ©MARISOL RAMIREZ / FOKU

Basauriko Sidenorren lan ituna adostu dute, eta KPItik behera igoko dituzte soldatak

Xabier Martin

LSB-USO, Senda de Ugarte, UGT eta CCOO sindikatuek 2026. urte arteko lan hitzarmena egin dute zuzendaritzarekin, eta soldatak %2,5 igoko dira aurten.

Guggenheimeko garbitzaileek Bilbon egin duten manifestazioa. ©Monika Del Valle / FOKU

Guggenheimeko garbitzaileek babesa eskatu diete hura diruz hornitzen duten erakunde publikoei

Imanol Magro Eizmendi

223 egun daramatzate greban, eta Jaurlaritzak esku hartzea erabaki du, baina, oraingoz, artekari moduan bakarrik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.