Lan istripua

Langile bat hil da Gasteizen, aldamio batetik erorita

Hiru metroko altuera batetik erori da, eta mediku zerbitzuek ezin izan dute suspertu

Imanol Magro Eizmendi -

2020ko urtarrilak 2 15:41

Istripua Gasteizen izan da, 14:00etan, Olarizu etorbidean, eta, Eusko Jaurlaritzako Segurtasun Sailak jakinarazi duenez, aldamio batetik erorita hil da langilea. Eraikuntza lanetan ari zen, hiru metroko altuera batean, eta mediku zerbitzuak iritsi direnean ezin izan dute suspertu. 2020. urtean Euskal Herrian lan istripu baten ondorioz hildako lehen langilea da. Osalanek jakinarazi duenez, itxura batean, aldamioaren muntatze lanetan zebilela erori da behargina, baina ez dakite zergatik galdu duen oreka. Horregatik, ikerketa abiaraziko du osasun eta segurtasun institutuak.

Juan Luis España CCOOko eraikuntza esparruko arduradunak esan du igeltseroak denbora gutxi zeramala Arnaiz Asc 21 enpresarentzat lanean. Eraikuntza enpresa hori da Olarizu etorbidean etxe berria egiten ari dena. Erorikoa gertatu denean, beste lau lankide zeuden inguruan. Istripua izan duenaren oihua entzun dute, baina begiratu dutenerako lurraldean aurkitu dute langile hila. Haiek deitu dute larrialdietara.

2018ko igoera handiaren ondoren, 2019an berriro behera egin du lanean hildakoen kopuruak. LABen zenbaketaren arabera, iaz 44 lagun hil ziren Euskal Herrian beharrean ari zirela, 2018an baino 24 gutxiago (-%35). Berez, 42 dira Euskal Herrian hildakoak, baina sindikatuak zenbatu egin ditu lan bidaietan hildako beste bi, bata Kemperlen (Bretainia) eta bestea Tolucan (Mexiko).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan du gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

EHUko ikasle batzuk, artxiboko irudian ©Luis Jauregialtzo / Foku

EHUk espedientea ireki dio irakasle bati, eskolak maskararik gabe ematen zituelakoan

Irati Urdalleta Lete

Farmazia Fakultateko irakasleak positibo eman du PCR proban. Hamabost eguneko epean ebatziko dute espedientea.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna