Sagardo garaia

Izaro abeslariak zabalduko du txotx garaia, asteazkenean

Sagardo Berriaren 27. Eguna Astigarragako (Gipuzkoa) Alorrenea sagardotegian ospatuko dute.

Izaro musikaria
Izaro musikaria Monika del Valle / Foku

Urtzi Urkizu -

2020ko urtarrilak 9

Urtero Euskal Herriko pertsona ezagun batek izaten du txotx garaia zabaltzeko ohorea. Aurten, Izaro Andres musikaria (Mallabia, Bizkaia, 1993) gonbidatu dute zeregin horretarako. Lehenbizi, sagarrondo bat landatuko du Izarok, Sagardoetxeko sagastian (Astigarraga, Gipuzkoa). Gero, txalapartaren deiarekin batera, sagar dantza dantzatuko dute, eta Izaro soka dantzan parte hartzera gonbidatuko dute. "Gora sagardo berria!" oihu eginda, lehen kupela irekiko du Andresek Alorrenean, eta horrekin batera ekingo zaio 2020ko txotx garaiari. Gero, sagardotegi garaiko lehen sagardotegi menua dastatuko dute.

Hernanin (Gipuzkoa) aurten ez dute egingo txotx garaia hasteko ekitaldirik. Erabakia Txotx Mahaiak hartu du —Hernaniko Udalak, Kaxkoko bizilagunen elkarteak, Berriak merkataritza eta ostalaritza elkarteak eta herriko sagardogileen ordezkariek osatzen dute— . Txotx Mahaia eta Euskal Sagardoa sor-marka elkarlanean ari dira, maiatzean Botilako Uzta Berriaren aurkezpena Hernanin antolatzeko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna