Ogasuna

Bizkaitarrek 1.500 milioi euro dituzte atzerrian; horietatik 600, Suitzan

2017ko datuak jakinarazi ditu Ogasunak, eta ikertzen hasia da iruzurrik dagoen jakiteko

Jose Maria Irurrizaga Bizkaiko ogasun diputatua eta Iñaki Alonso ogasuneko zuzendari nagusia.
Jose Maria Irurrizaga Bizkaiko ogasun diputatua eta Iñaki Alonso ogasuneko zuzendari nagusia. Luis Jauregialtzo Tamaina handiagoan ikusi

Imanol Magro Eizmendi -

2020ko urtarrilak 10

“Diruan atzerrian izateak ez du esan nahi iruzurra dagoenik, bakarrik deklaratu ez badute”, horrela azaldu du egoera Jose Maria Iruarrizaga Bizkaiko aldundiko ogasun diputatuak. Ogasunak 2020an zerga iruzurraren aurka borrokatzeko planaren aurkezpenean eman ditu bizkaitarrek atzerrian duten diruaren datuak. Izan ere, eta DAC 2 Europako zuzentarauari esker, ogasunak aurreneko aldiz jakin ahal izan du Bizkaiko zordunek zenbat diru duten atzerrian.

DAC 2 zuzentarauari esker, estatu ezberdinek zergadunen datuak trukatu ditzakete, eta Bizkaiak jasotako informazioaren arabera 11.000 dira atzerrian kontuak edo aktibo finantzieroak dituzten lurraldeko zordunak. Guztira 1.500 milioi euroko balioa duten kontu edo aktiboak dira, eta horietatik 600 Suitzan daude. DAC2ari esker paradisu fiskaltzat joak diren hainbat herrialdeetako informazioa ere jaso dute, besteak beste, Andorrakoa, Bahametako, Kaiman Uharteetakoa, Irlandakoa, Jerseykoa, Luxenburgokoa, Panamakoa edota Suitzakoa.

Datu hauek, baina, 2017koak dira, eta ogasunak iazko udan jaso zituzten. Estatuen datu bilketak eta informazio horren kudeaketak eta trukaketak bi urte inguruko prozesua behar du. eskatzen ditu. Ogasunak orain ikertzen ari da, eta 2020n zehar jakingo du diru horretatik zenbat deklaratu den, eta zenbat den iruzurra.

Informazio hori oso baliagarria izango da iruzurraren aurkako borrokan. Borroka horretan, eta 2020ra begira, ogasunak arreta berezia jarriko du enpresa multzo handietan, haiek baitira zordun handienak. Ogasunak emaniko datuen arabera, eta enpresa zergari dagokionez, Bizkaiak 30.000 zordun ditu, baina sozietate zergaren %52 239 enpresa multzoren artean pilatzen dute. Multzo horiek 2.000 zordun inguru dira guztira.

Hori, aurrera begira, aldiz, 2019ko errentari dagokionez, Bizkaiko zordunek 59.000 ordainketa geroratzea eskatu zuten, guztira 772 milioi eurokoak. Ogasunak horietatik 55.000 onartu zituen, guztira 443 milioi eurokoak. 55.000 horietatik 592 gelditzen dira bakarrik zorrak kobratzeko kalkulu eta mekanismo automatikoetatik, hori bai, 592 horien artean 110 milioi euro pilatzen dituzte. Aurreko sasoietako zorrei dagokienez, Ogasunak 403 milioi euro ingresatu ditu eta 329 milioi gelditzen dira biltzeke.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

18 kasatzeman dituzt azken ordueta Zangozan. ©Iñigo Uriz/FOKU

Beste neurri batzuk hartuko dituzte Zangozan

Berria

Azken orduetan, 18 positibo atzeman dituzte han. Hego Euskal Herrian, 234 positibo izan dira.

Karpak jarri dituzt basurto ospitalearen kanpoaldean, PCR probak egiteko. ©Javier Zorrilla/EFE

PCR proba egitera deitu ditu Jaurlaritzak Bilboko Fever diskotekan eta Erandiogoikoko batzokian egon zirenak

Berria

Bihar goizean hasiko dira testak egiten. Diskotekarekin lotutakoei, Basurtuko ospitalean, eta batzokian izandakoei, Urdulizkoan.

Kaltzda Zahar eguneko zenroa, Bizkaian. ©Marisol Ramirez/FOKU

Eguneko zentroak irekiko dituzte gaur Araban, Bizkaian eta Gipuzkoan

Berria

Zahar etxeetako murrizketek abuztuaren 9ra arte jarraituko dute indarrean.

Hiru pertsona maskara jantzita ©Jon Urbe / FOKU

Gazte Kontseiluak sare sozialetan kanpaina bat hasi du maskarak erabiltzera deitzeko

Aloña Beraza Peña

Bi bideo egin dituzte eta sare sozialetan, telebistan eta komunikabideetan zabalduko dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna