Espainiako Kopa

Soilik Realak izanen du Lehen Mailako aurkari bat

Txuri-urdinek Espanyolen aurka jokatuko dute Espainiako Kopako final-hamaseirenetan. Athleticek Bigarren Mailako aurkari bat izanen du, eta Eibarrek eta Osasunak, Bigarren B Mailako bat.

Martin Odegaard Espanyoleko Marc Rocaren eta Victor Campuzanoren artean, ligako bosgarren jardunaldian.
Martin Odegaard Espanyoleko Marc Rocaren eta Victor Campuzanoren artean, ligako bosgarren jardunaldian. Alberto Estevez / Efe

Mikel Rodriguez -

2020ko urtarrilak 14

Espainiako Kopako final-hamaseirenetarako zozketa egin dute Madrilen. Lau sortatan banatu dute: lehenbizikoan, Espainiako Superkopa jokatu duten lau taldeak zeuden, Bigarren B mailakoekin batera; bigarrenean, berriz, Bigarren B Mailako gainerakoak Lehen Mailakoekin; hirugarrenean, Bigarren Mailakoak Lehen Mailakoekin; eta, laugarrenean, lehenago egokitu ez diren Lehen Mailako azken lau taldeak. Realaren bolatxoa azkenera arte atera ez denez, zozketa azken sortan egitea egokitu zaio. Hortaz, Espanyol izanen du aurkari, Anoetan.

Hilaren 21etik 23ra jokatuko dituzte final-hamaseirenak, aitzineko kanporaketak bezala, partida bakarrera. Eibarri Bigarren B Mailako Badajoz egokitu zaio, eta Osasunari maila berean jokatzen duen Huelvako Recreativo. Athleticek, berriz, Bigarren Mailako arerioa izanen du: Elx. Guztiek etxetik kanpo jokatuko dute, aurkariak kategoria txikiagoetan ari baitira.

Realaren kasuan, ordea, bolatxoa lehenago atera izanak erabaki du etxeko taldea zein izanen den. 

 

Honela gelditu da kanporaketako koadro osoa:

Hilaren 21a, asteartea

Recreativo - Osasuna (19:00, Dazn)

Zaragoza - Mallorca (19:00, Dazn)

Sevilla - Levante (21:00, Dazn)

Hilaren 22a, asteazkena

Elx - Athletic (19:00, Dazn)

Reala - Espanyol (21:00, Dazn)

Eivissa - Bartzelona (19:00, Dazn)

Tenerife - Valladolid (21:00, Dazn)

Badalona - Granada (21:00, Dazn)

Girona - Vila-real (21:00, Dazn)

UD Logroñes - Valentzia (21:00, Dazn)

Unionistas de Salamanca - Real Madril (21:00, Mediaset eta Dazn)

Hilaren 23a, osteguna

Badajoz - Eibar (21:00, Dazn)

Ebro - Leganes (19:00, Dazn)

Mirandes - Celta (19:00, Dazn)

Rayo Vallecano - Betis (21:00, Dazn)

Cultural Leonesa - Atletico Madril (21:00, Mediaset eta Dazn)

 

 

 

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna