Pentsioak

Pentsioak %0,9 igo ditu Espainiako Gobernuak

KPIa 2019an igoko den aurreikuspena hartu du Pedro Sanchezen gobernuak pentsioak igotzeko erreferentzia gisa. Bestalde, gutxieneko soldata batezbestekoaren %60ra igotzea jarri du helburu legegintzaldia amaitzerako.

Pentsiodunen elkarretaratzea, atzo, Bilbon.
Pentsiodunen elkarretaratzea, atzo, Bilbon. LUIS TEJIDO /EFE Tamaina handiagoan ikusi

Xabier Martin -

2020ko urtarrilak 14

PSOE eta Unidas Podemosen koalizio gobernuaren lehen neurriak hamar milioi pentsiodun ingururi eragingo die. Lehen Ministro Kontseilua egin du Madrilgo gobernuak gaur, eta lehen lege dekretua onartu du: pentsioak KPIaren arabera igotzeko neurria. 2019. urtean inflazioa, Espainian, %0,9 igoko dela aurreikusi du Sanchezen gobernuak, eta pentsioak horixe bera igotzea erabaki du; horrela, izkin egingo diote 2013an Mariano Rajoyren gobernuak %0,25 baizik ez igotzeko onartu zuen sabaiari.

Are, Pedro Sanchezek berak azaldu du Ministro Kontseiluaren ondoko agerraldian —aurrerantzean astearteetan izango da—, 2021eko apirila baino lehen jasoko dutela konpentsazio ordainketa bat pentsiodunek, baldin eta  2020. urteko KPIa %0,9 baino gehiago igotzen bada. "Erosteko ahalmena gal ez dezaten hartu dugu erabaki hori", esan du Sanchezek, gogoratuta Rajoyren garaian pentsiodunek bost urtez galdu zutela erosteko ahalmena, pentsioak %0,25 besterik igo ez zituen dekretua dela eta. Pentsioen %0,9ko igoerak atzerako eragina izango du urtarrilaren lehenera arte.

Bi urte dira pentsiodunak kalean direla protestan, pentsio publiko duinen alde. Pentsioak KPIra lotzeko eskaera bat besterik ez da haiek duten aldarrikapen taulan. Hasteko, pentsioak betiko KPIra lotzea nahi dute, eta ez urtez urte erabakitzea. Bestalde, jasangarritasun faktorea baztertzea eskatzen ari dira, erretiro adina atzeratuz joan ez dadin. Baina Sanchezek aditzera eman du aldagai horiek guztiak Toledoko Itunean erabaki beharko direla, kontsentsu handiagoa beharko dutela. "Enpresariek eta sindikatuek ere zeresan handia dute pentsioen inguruan", gaineratu du pentsio sistemaren jasangarritasunari erreparatuta. "Gobernuaren konpromisoa da pentsioen jasangarritasuna bermatzea".

%0,9ko igoera aplikatu ondoren, batez besteko pentsioa 1.230 euro inguruan geldituko litzateke, Hego Euskal Herrian.

Gutxieneko soldata

Sanchezen gobernuaren lehen Ministro Kontseiluan neurri gehiago irits zitezkeela zabaldu da aurreko egunotan, baina ez. Pentsioen igoeraz gain, asmoak besterik ez ditu aletu Espainiako presidenteak. Esaterako, gobernuak gutxieneko soldata zenbat eta noiz igoko duen galdetu diote, eta erantzuna gobernuak duen helburua izan da. Legegintzaldia amaitu aurretik Espainiako batez besteko soldataren %60ra igo nahi dute gutxieneko soldata. Baina alor hori elkarrizketa sozialera bideratu du Sanchezek, aditzera emanez patronalak eta sindikatuek elkar ulertu beharko dutela. Alegia, akordiorik ez bada, eta CEOE ados egon gabe, ikusiko beharko dela gobernua gai den ala ez gutxieneko soldata igotzeko.

Lan erreformaren hainbat atalez galdetu diote Sanchezi, era berean, baita gaixo-baimenak pilatzeagatik kaleratzea ahalbidetzen duen neurriaz ere, baina gai hori, beste eduki guztiak bezala, elkarrizketa sozialeko mahaira bideratu ditu.

Gobernua azken lan erreformaren hainbat eduki aldatzeko prest legoke, adibidez, ultraaktibitatea —urtebetekoa alboratu eta mugagabea ezarriko litzateke— eta negoziazio kolektiboaren itunen lehentasunak, enpresa itunei kenduta eta sektorekoei emanez. Horrek guztiak, ordea, denbora gehiago beharko du, garbi utzi baitu Sanchezek lehen-lehenik elkarrizketa sozialeko mahaira deitu beharko dela, eta mahai horrek landu beharko dituela eduki horiek guztiak.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Raiundo Berri taberan izan zirenak PCR proba egiteko zain, Okendu kultur etxean gaur goizean. ©Gorka Rubio/FOKU

500 positibotik gora atzeman dituzte Hego Euskal Herrian

Berria

Atzo baino 119 kasu gehiago izan dira. Ospitaleratzeak areagotu egin dira azken orduetan.

Lasarte-Oriako klasururako konbentua itxita, gaur. ©Javier Etxezarreta / EFE

Lasarte-Oriako klausurako komentu bateko moja guztiek positibo eman dute

Berria

Hamar izan dira positiboak guztira. Alkateak adierazi du agerraldia kontrolpean dagoela.

Kutsatze kopuruen azken datuek gora egin dutela ikusita zientzialariak gaineratu du gaitzak “arazo bat” izaten jarraitzen duela. ©Gorka Rubio / FOKU

Bengoak uste du egoera «larria» dela

Aloña Beraza Peña

Ikuskaritza independente bat eskatu dute gertatu dena ikertzeko, egin diren hutsegiteak berriz ere egin ez daitezen, eta aurrera begira ikasteko.

PCR proba egiten gaur, Donostiako Okendo kultur etxean. ©Gorka Rubio/FOKU

Gasteizko Kilimanjaro diskotekan eta Xixilu jatetxean, eta Galdakaoko Muguru tabernan egon zirenei proba egiteko eskatu die Jaurlaritzak

Berria

Gasteizko diskotekan uztailaren 17tik abuztuaren 6ra izan zirenek egin beharko dute testa, eta uztailaren 31tik abuztuaren 4ra jatetxean egondakoek. Galdakaon, tabernan uztailaren 27tik abuztuaren 4ra egon zirenek.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna