Albistea entzun

Turismoa

Gipuzkoak «probintzia osora» hedatu nahi du bere marka turistikoa

'Gipuzkoa around San Sebastian' izena izango du atzerriko bisitarientzat; eta ingurukoentzat, 'Gipuzkoa turismoa'. Aldundia plan estrategiko bat prestatzen ari da, turismo eredu «orekatu» bat garatzeko.

Turista talde bat, Donostiako kaleetan
Turista talde bat, Donostiako kaleetan Gorka Rubio / Foku Tamaina handiagoan ikusi

Jokin Sagarzazu -

2020ko urtarrilak 16

Gipuzkoak marka turistiko berria izango du: Gipuzkoa around San Sebastian. Horrek 2016an sortutako Explore San Sebastian region ordezkatuko du. Atzerriko bisitarientzat da, turismo ferietan-eta erabiltzeko —datorren astean aurkeztuko dute Madrileko Fiturren—. «Hurbileko bisitarientzat», berriz, Gipuzkoa turismoa marka erabiliko du.

Imanol Lasa Ekonomia Sustapeneko, Turismoko eta Landa Inguruneko diputatuak aurkeztu du marka berria. Azaldu duenez, aurrekoari Gipuzkoa gehitzea erabaki dute, eskualdeetako turismo alorreko eragileen eskaerak entzun eta gero. «Donostia marka sendoa da atzerritarrentzat. Baina ate bat izan daiteke, handik probintzia osora zabaltzeko».

Marka berria aurkeztearekin batera, Lasak jakinarazi du aldundia turismoaren inguruko plan estrategiko bat prestatzen ari dela, eredu «orekatu» bat garatzeko. Udaberrian emango du horren berri, baina ildo nagusiak azaldu ditu. Nagusiena: bisitari fluxuak lurralde osora zabaltzea. «Donostiatik haratago esfortzu berezia egin nahi dugu».

Eredu «berri» bat

Plan estrategikoaren oinarrian dago aztertzea turismoak lurraldean zer eragin «ekonomiko, sozial eta kultural» dituen. «Errore bat izango litzateke arrakasta neurtzea bisitari kopuruen arabera soilik».

Hori hala, aldundiaren helburua izango da turismoarekin lotura duten enpresa txikiak bultzatzea, kalitatezko enplegua sortzea eta alor horretan formakuntza sustatzea, adibidez. Lasak azpimarratu duenez, kontuan hartuko dituzte, halaber, turismoak zer gatazka sortzen dituen «zenbait komunitatetan», eta horiek bideratzeko moduak ere aztertuko dituzte. Eta euskal kulturari «sekulako garrantzia» eman nahi diote. «Bisitariak jakin behar du non dagoen: euskararekin jolastea nahi dugu, gure kulturan sakontzea».

Turisten artean, estatubatuarrak nabarmendu ditu Lasak. «Bitxi bat dira, dirutza uzten dute. Haien bila joan behar gara, eta harrapatu».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Nord Stream 1 gasbidea, Alemanian sartzen den lekuan. ©STEFAN SAUER / EFE

Berlinek eta Moskuk «sabotajetzat» jo dituzte Nord Streameko isuriak

JokinSagarzazu

Gertakariak ez du eraginik izango Europarako gas horniduran, gaur egun bi gasbideak ez baitaude martxan. Danimarkako Gobernuak energia alorreko larrialdia ezarri du herrialdean
Mahats bilketa betean ari dira egunotan Bastidan. ©JAIZKI FONTANEDA / FOKU

Lehortearen uztak bilketa astuna dakar

X. Martin

Eguraldi lehorrak %20 inguru apalduko du 2022ko uzta Arabako Errioxan. Mahats aleak txikiak dira, eta azidotasun apala dute. Litekeena da horrek urteko ardoen kalitatean eragitea, baina egurrerako gordetzen den zukua ez du zertan hondatu. Bastidako kooperatiban buru-belarri dabiltza jadanik mahats bilketan.
Arabako Mahastiak ez da aurten hasiko, «baimena ez delako garaiz iritsi»

Arabako Mahastiak ez da aurten hasiko, «baimena ez delako garaiz iritsi»

Xabier Martin

Mahats bilketa betean dira jadanik Arabako Errioxan, eta sor-marka berria abiarazteko prest daudenek onartu dute beren ardoak Errioxako izenean jarraituko duela aurten
Hauteskunde sindikaletarako ELAren kanpainaren aurkezpena. Erdian, Mitxel Lakuntza idazkari nagusia. ©BERRIA

Sindikatuek ordezkarien erdiak izango dituzte jokoan ekainera bitarte

Imanol Magro Eizmendi

Hurrengo bederatzi hilabeteetan hauteskunde sindikalak abiatuko dituzte Hego Euskal Herriko lantoki handietako gehienetan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...